POP 5

Lajmet më të lexuara të 5 minutave të fundit

Politikë

Ngjela: Lu të denoncojë me emra
peshqit e mëdhenj të korrupsionit

Ish-ministri i Drejtësisë, Spartak Ngjela, thotë se ka ardhur momenti që ambasadori Donald Lu të denoncojë konkretisht peshkaqenët e mëdhenj të korrupsionit në Shqipëri. 
Ish-ministri i Drejtësisë, Spartak Ngjela, thotë se ka ardhur momenti që ambasadori Donald Lu të denoncojë konkretisht peshkaqenët e mëdhenj të korrupsionit në Shqipëri. 

Përmes një statusi në Facebook, kreu i Partisë Ligj dhe Drejtësi, thotë se shqiptarët presin me padurim denoncimin e Lu-së.
 
"Mendoj se ka ardhur tamam koha që Ambasadori Amerikan të fillojë denoncimin konkret të peshqve të mëdhenj të korrupsionit shqiptar: shqiptarët po e presin me "gojë hapur"...", shkruan Ngjela. 

Ai thekson gjithashtu se reforma në drejtësi do shkojë drejt zbatimit, për vetë faktin se është një reformë e kërkuar me insistim nga amerikanët. 

Postimi i plotë i Ngjelës:
Në një vend ku padrejtësia dhe i forti kanë bërë ligjin me dekada, njerëzit nuk besojnë se mund të ketë ndonjëherë drejtësi.
Historia e Shqipërisë është 100 vjet padrejtësi, dhe kjo mjafton si kohë që të ketë vendosur në psikikën shoqërorë shqiptare mendimin se Shqipëria nuk bëhet, dhe shqiptarët janë të destinuar të jenë të përbuzur nga sunduesit abuzuesë që me arrogancë iu thonë edhe sot: "kot e keni, nuk ka Reformë në Drejtësi, se 'drejtësia jemi ne' ".

Kjo është arsyeja që sot shumica e shqiptarëve është ende skeptike se mund të vendoset ndonjëherë drejtësia në Shqipëri.
Gabohen, sepse koha e gjatë brezash e abuzimit i detyron që të jenë skeptikë dhe mosbesuesë. Por ka dhe diçka në favor të besimit: eshtë angazhimi amerikan. Kjo sigurisht që duhet të neutralizojë çdo dyshim. Por në një vend ku çdo lëvizje që është nisur për shpëtim ka çuar në skllavërim, është e vështirë. 
Gjithsesi tani vihet re se optimizmi shqiptar për Reformën, lidhet drejtpërdrejti me daljen e ambasadorit amerikan.
Sot dalja médiatike e Ambasadorit Lu është bërë për shqiptarët si Zëri i Amerikës i vitit 1990-1991. Përsëritja e kohëve gjithmonë është identike.
Mendoj se ka ardhur tamam koha që Ambasadori Amerikan të fillojë denoncimin konkret të peshqve të mëdhenj të korrupsionit shqiptar: shqiptarët po e presin me "gojë hapur"...

Redaksia Online
l.q/Shqiptarja.com

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03