POP 5

Lajmet më të lexuara të 5 minutave të fundit

Ngjela rrëfen për herë të parë: Ja kush e tërhoqi Berishën nga grushti i shtetit në '98

Kush e detyroi Sali Berishën të tërhiqte turmën e revoltuar të mbështetësve të djathtë nga institucionet shtetërore 14 shtatorin e 1998? Versionet kanë qenë nga më të ndryshmet, ishte një shqiptaro-amerikan i fuqishëm nga Teksasi, apo një zyrtar i lartë i Shtëpisë së Bardhë?

Avokat Spartak Ngjela, një nga ish-bashkëpunëtorët më të ngushtë të ish-kryeministrit, zbulon në emisionin "Repolitix" në Report Tv për herë të parë emrin e zyrtarit të lartë të SHBA që detyroi Berishën të ulte gjakrat e "grushtit të shtetit" të 20 viteve më parë, pas vrasjes së Azem Hajdarit. Përpara një paneli të ftuarish në "Repolitix" si ish-kreu i SHISH, Fatos Klosi dhe gazetarët Ferdinand Dervishi dhe Elton Qyno ku u diskutua për çështjen "Babalja", Ngjela tha se Berisha është telefonuar me urgjencë nga zv/sekretarja amerikane e shtetit, Eileen A. Malloy. Sipas Ngjelës, kjo e fundit i është drejtuar Berishës se SHBA nuk do njohë kurrsesi qeverinë e dalë nga revolta e armatosur ndaj institucioneve demokratike, ku thuajse të gjitha selitë e shtetit nga Kryeministria, Kuvendi, ministritë dhe RTSH, u zaptuan nga mbështetësit e opozitës.

Eileen A. Malloy, ish-zv/sekretare e shtetit, e cila ka telefonuar Berishën pasditen e 14 shtatorit 1998

Ish-kreu i SHISH, Fatos Klosi pretendon se Berisha u telefonua nga një shqiptaro-amerikan nga Teksasi dhe nga biseda e zhvilluar në anglisht me Berishën, ai i ka kërkuar të tërhiqet nga marrja e pushtetit me dhunë. Por nga ana tjetër, Ngjela thotë se ka qenë dëshmitar i kësaj telefonate kaq të memorizuar dhe diskutuar në qarqet politike dhe mediatike, e cila ka përcaktoi edhe fatin e Shqipërisë së atëhershme drejt stabilitetit demokratik. 

Fatos Klosi: Berisha bëri edhe 14 shtatorin e 1998. Por e mori një shqiptar nga Teksasi që fliste anglisht. Dhe i thotë, mirë more por çfarë do bësh nesër? I tha tërhiqu, dhe Berisha u tërhoq,  u zmbraps.

Spartak Ngjela: Kam qenë vetë prezent. E telefonoi zv/sekretarja amerikane e shtetit, znj.Malloy. Ka qenë edhe në Shqipëri ajo, shumë e zgjuar. Berisha e respektoi. Ajo e pyeti çfarë ka ndodhur në Shqipëri?, iu drejtua. Ky (Berisha) ishte më i kthjellët nga gjithë ditën dhe i tha: ndodhi një vrasje, populli u revoltua, shteti u dorëzua, iku...e me radhë. Në këto momente ne kemi ndërhyrë në mbrojtje të shtetit. Një ekip është te presidenti, dhe ishte e vërtetë, për të bërë qeverinë e përbashkët, por PD nuk merr pjesë. Ajo iu drejtua - merr pjesë apo nuk merr pjesë PD, z.Berisha, ajo është qeveria jote dhe ne nuk e pranojmë. Po s'të pranoi amerika si qeveri... Këtu Berisha u tërhoq. Prandaj, nuk realizohen këto me revolta, por destabilizimi i shoqërisë, që them unë, ajo mund të ndodhë.

l.q.
Komento

Komente

  • Santa Quaranta: 13/10/2018 21:45

    Dikush tjeter me afer Berishes ka deklaruar se e ka telefonuar mentori i tij, Elez Biberaj nga SHBA......

    Përgjigju
  • kasem gahinji: 13/10/2018 07:03

    president per hale.

    Përgjigju
  • TATA: 12/10/2018 22:42

    O ZONJA ZANA SPARTAK NGJELA ASHT BASHKEPUNTOR I NGUSHTE I KRIMINELIT SALI .AI KA PERGJEGJESI TE MADHE PER SHKATRRIMIN E SISTEMIT TE DREJTESISE DHE PER SHKATRRIM TE PRONES SE POPULLIT .ASHT AVUKAT I DAL BOJESH .NUK IDEN E NONJE PUNE TE MIRE POR TAMAM SI HAXHALLARET ( BENI SI THEM UN MOS BENI SI BOJ UN ) .

    Përgjigju
  • Zana: 12/10/2018 22:11

    RESPEKTE Avokat NGJELA! SPARTAK NGJELA i Nderuar duhet tè jetè PRESIDENTI i Ardhshèm i SHQIPËRISË dhe SHQIPTARËVE. RROFTÈ SPARTAK NGJELA

    Përgjigju
    • Meti: 13/10/2018 09:29

      E$shte tepr koncize dhe i sakte ne percaktimet e tije Av. Ngjela, ai i duhet ketij vendi si kryetare i shtetit qe mos te anoje nga asnjera pale, e politikes ase majtas apo djthtas.