Gjatë javës së fundit temperaturat e ulëta dhe reshjet e dëborës që kanë përfshirë të gjithë vendin, gjë që ka vështirësuar qarkullimin e mjeteve në disa prej akseve rrugore, sidomos në zonat veriore dhe juglindore të vendit.

Në qarkun e Dibrës, në aksin kryesor vazhdon trajtimi me kripë dhe granil në vendet ku ka ngricë. Në aksin Qafë Bualli-Krastë dhe Ura e Çerenecit. Dragalicë-Klenjë qarkullimi kryhet me zinxhirë.

Në qarkun e Elbasanit, aksi Labinot Fushë-Monument Bizë është i kalueshëm deri në Gur të Zi, ndërsa segmenti në vazhdim me zinxhirë.

Në qarkun e Korçës, gjatë natës janë regjistruar temperatura shumë të ulta, por nuk kanë krijuar probleme në qarkullimin e mjeteve. Në rrugën e Dardhës, në pjesën fundore qarkullimi kryhet me zinxhirë.

Ndërkohë, në qarkun e Kukësit, në aksin Topojan- Shishtavec qarkullimi kryhet me zinxhirë. ah/Shqiptarja.com/

Në qarkun e Shkodrës, në aksin Q.Mali-Fierzë si pasojë e dëmtimit të urës pranë Dardhës, qarkullimi është i mundur vetëm për mjetet e vogla me një kalim.

Në qarkun e Tiranës, në aksin Q.Mollë-Bizë ka ngrica në rrugë, për pasojë rekomandohet përdorimi i zinxhirëve.