TIRANË - Nga sot, spitali “Shefqet Ndroqi” është spitali i dytë COVID në vend. Spitali i Sanatoriumit ka pritur pacientin e parë, një ndërhyrje kirurgjikale tek një e re e prekur nga COVID-19, ndërsa pacientët e këtij spitali janë zhvendosur në spitalin e Elbasanit.
Ministrja e Shëndetësisë dhe Mbrojtjes Sociale, Ogerta Manastirliu, ka bërë publik lajmin gjatë një komunikimi online.
“Kemi hapur edhe spitalin Covid 2, spitalin “Shefqet Ndroqi” i cili ka pritur pacientin e parë. Një rast suksesi i ekipit të kirurgjisë së këtij spitali, me mjekët kirurgë, anestezistë, infermierët dhe i gjithë stafi që kanë kryer me sukses ndërhyrjen kirurgjikale tek një e re e prekur nga COVID-19”, bëri të ditur Manastirliu.
Manastirliu bëri të ditur se pacientët e spitalit “Shefqet Ndroqi” janë transferuar në Elbasan, duke shtuar se në spitalin COVID 2, janë organizuar ekipet mjekësore që do të shërbejnë në këtë spital, ndërsa në spitalin infektiv po vijon trajtimi i pacientëve me COVID-19.
Ministrja e Shëndetëisë tha se kjo situatë do të kalohet duke respektuar të gjithë Paktin e Madh për Shëndetin.
“Ne do të vazhdojmë t’ju shërbejmë me përkushtimin dhe sakrificën e mjekëve, infermierëve, epidemiologëve tanë të mrekullueshëm. Ne do të vazhdojmë t’ju mbajmë të informuar me korrektësi dhe transparencë maksimale çdo ditë, çdo orë, për çdo zhvillim. Ndërsa JU, ju do të vazhdoni të zbatoni rigorozisht masat e higjienës dhe të distancimit social, si i vetmi mjet për të ndihmuar njëri-tjetrin në këtë betejë të përbashkë”, tha Manastirliu.
Aktualisht në Shqipëri janë 212 raste të konfirmuara pozitivë me COVID-19, dhe janë kryer 1436 teste në Laboratorin e Virologjisë në Institutin e Shëndetit Publik.
Së fundmi edhe ministrja Manastirliu ka reaguar në lidhje me operacionin e vajzës 18-vjeçare të prekur me koronavirus.
Ajo ka bërë publike edhe fotot gjatë operacionit të kryer në Spitalin e infektivit “Shefqet Ndroqi”, duke falenderuar stafin mjekësor që mori pjesë.
“Ekipet tona mjekësore në lartësinë e detyrës.
Realizohet me sukses ndërhyrja kirurgjikale urgjente tek një vajzë e re e konfirmuar me COVID-19, në spitalin universitar “Shefqet Ndroqi”, nga ekipi i kirurgjisë drejtuar nga dr. Ylber Vata, së bashku me dr. Dorian Bozaxhi, dr. Arjan Vyshka, dr. Luna Hasipi, kryeinfermiere Manushaqe Hoxha dhe instrumentare e ndërhyrjes Valbona Bulku.
Hapet sot spitali i 2 COVID, spitali “Shefqet Ndroqi” për trajtimin e pacientëve të prekur nga COVID-19”, ka shkruar ministrja.
Pacientja që është operuar nga apendesiti tek Shefqet Ndroqi është 18-vjeçarja nga Lezha me COVID-19.
Operacioni përfundoi me sukses tek Spitali Universitar Shefqet Ndroqi në Sanatorium dhe ndërhyrja është kryer nga kirurgu Ylber Vata dhe ekipi i tij.
Pacientja tashmë është në gjendje të mirë shëndetësore në Sanatorium.
Drejtori i Spitali Rajonal Lezhë ka shprehur falenderime edhe stafit të spitalit Lezhë, që identifikoi në fazë preoperatore një pacient të tillë gjë që krijoi mundësinë e kryerjes se aktit kirurgjikal në kushtet e duhura në një spital të dedikuar COVID-19.
“Ky rast është një kujtesë për mundësinë e bashkëshoqërimit të infeksionit nga COVID 19 edhe me patologji kirurgjikale dhe alertin që duhet të kemi në drejtim të qëndrimit bazuar në protokolle me fokus diagnostikimin preoperator të pacientëve covid +, të cilët kërkojnë kujdes kirurgjikal urgjent", është shprehur drejtori I spitalit të Lezhës Leon Kaza.
Komente
Lajme të tjera
-
Koçiu: Rreth 55 mijë shërbime në banesë për të moshuarit dhe të sëmurët kronikë që nga Janari
13 Dhjetor, 16:59 -
OBSH: Shqiptarët 59.7% të shpenzimeve nga xhepi në shëndetësi! Koçiu: 130 milionë euro për rimbursimin e ilaçeve me buxhetin e 2025
12 Dhjetor, 16:34 -
Interpelanca për vrasjen e 14-vjeçarit/ Zhupa kërkon dorëheqjen e Manastirliut: Sistem i dështuar! Ministrja: Ke hallin e karrgies, s’të ndihmojmë dot
12 Dhjetor, 11:08 -
Kuvend/ PS rrëzon me votë interpelancën me Ramën për 'Becchetin', e kërkoi PD! Spiropali: Eshtë shpifje! PDIU shpëton PS, votohen projektligjet
12 Dhjetor, 07:50 -
Më shumë lekë për para e tetraplegjikët, rritet pagesa për paketën higjieno-sanitare! Nga 16 në 20 mijë lekë! Mbështetje edhe për kujdestarët
4 Dhjetor, 17:16
-
Minimumi jetik, ministrja Koçiu tregon pse u rrëzua amendamenti i PD-së: Duhet dakordësi për mënyrën si do të matet
4 Dhjetor, 15:30 -
Borxhet e mbartura të Bashkive dhe Ministrive 10,5 mld lekë! Investime pa pasur fonde, Kavaja rekord, Tirana i përgjysmon për 9 muaj
1 Dhjetor, 18:35
-
'Vrasja e Martinit u përdor politikisht', Rama në Fier: Institut për fëmijët në krime! Brenda dhjetorit kamera në klasa! Kontroll për çdo gjë metalike
30 Nëntor, 13:07 -
Fier/ Rama dhe Manastirliu me prindërit tek shkolla 'Janaq Kilica' për kufizimin e TikTok dhe Snapchat! Ministrja: Këto platforma sfidojnë mësuesit dhe ndikojnë tek shëndeti mendor
30 Nëntor, 12:05 -
Vrasja e Martinit/ PD kërkon interpelancë me Manastirliun: Ngjarje e paralajmëruar, Paketa e Sigurisë propagandë
26 Nëntor, 15:34 -
Protestë për vrasjen e Martinit para Ministrisë së Arsimit, kërkohet dorëheqja e ministres! I pranishëm babai e gjyshi i 14-vjeçarit: Drejtësi deri në fund
25 Nëntor, 17:07 -
Vaksinat kundër kancerit të qafës së mitrës te vajzat, Koçiu: Janë aplikuar mbi 9,344 doza te moshat 13-20 vjeçe
23 Nëntor, 15:17
EDHE 18 vjecari me corona ,,,ju dhjefsha mu ne shendetsi ju dhjefsha….legena….
PërgjigjuPo ku pyet për moshë virusi o injorant. Ka probabilitet më të ulët për të marrë jetë ne mosha te reja, por jo t'i infektojë. Si ka mundësi të kesh kaq i zi brenda
Go ahead luleshtrydhe
Përgjigju