Ngritja e Komisionit për Investimet Strategjike, Balla tregon pse u rrëzua kërkesa e PD-së: Nuk plotësonte kërkesat formale, keni bërë përpjekje për falsifikim

 

Kryetari i grupit Parlamentar në Partinë Socialiste, Taulant Balla gjatë fjalës së tij në Kuvend, ka folur për rrëzimin e kërkesës së PD-së nga Konferenca e Kryetarëve për ngritjen e Komisionit për Investimet Strategjike. Balla tha se kërkesa bëhet nga fillimi, kur një deputet tërhiqet.

‘Je sekretar i Përgjithshëm i Partisë Demokratike. Grupi parlamentar i PD ka më shumë nevojë për të mësuar rregulloren. Në Konferencën e Kryetarëve debati që është bërë për këtë çështje ishte i qartë. S’të bën nder të ndërhysh, se je sekretar i PD-së. Ta sqaroj unë. Ka dy vlerësime, aspekti i përmbushjes së formës dhe karakterit formal të kërkesës. S’doja ta zhvilloja këtë debat me ju. Ska ndodhur në Kuvend që të marrësh firma nga një kërkesë të rrezuar dhe me të njëjtat firma të sjellësh një kërkesë të re. Kjo është përpjekje për falsifikim. Firma është një shprehje vullneti që shprehet një herë. Nuk mund ta marrësh firmën e një firmëtari dhe ta transferosh në dokumentin tjetër. Aty ishin shtuar dy firma të reja për një dokument të ri. Si mund t’ju besojnë juve qytetarët kur kërkoni zbatimin e ligjit dhe e nisni kërkesën tuaj me shkelje ligji.

LEXO EDHE:
Balla takon Presidentin e Emirateve të Bashkuara Arabe, Muhammed Bin Zayed Al Nahyan: Zgjerim i bashkëpunimit në fushat e policisë dhe sigurisë

35 firma të administruara për një dokument të datës 25 maj u ishin shtuar dhe dy firma të reja. Duke bërë shënime që deputeti x është tërhequr. Kanë shkelur me të dyja këmbët ligjin bazë atë të respektit të dokumenteve zyrtare. Keni shkelur ligjin zotëri. Nuk ka ndodhur kurrë. Të marr unë një palë firma që të bëra në shtator. Kur depoziton një kërkesë të re ndryshon dokumenti. Mendova se ju e përmbyllët këtë çështje. Mblidhini të njëjtët firmëtar dhe hajde të bëjmë debatin. Debati zhvillohet kur kërkesa përmbush kriteret formale. I përmbush kriteret formale me një deputet që thotë se është tërhequr. Kërkesën bëjeni nga fillimi për të plotësuar kriterin formal. Ndërthuren të dyja rregullorja e Kuvendit dhe plotësimi. Minimalisht është i falsifikuar. Padi vullneti i firmëtarit nuk është hedhur për një dokument të datës 27 por, 24.’- tha Balla.

Lajmi kryesor:

Bie Komisioni Hetimor për investimet strategjike, përplasen palët e PD, akuza dhe tensione! Bardhi: Berisha urdhëroi deputetët të bashkojnë votat me Ramën! Flamur Noka: Qeveria po ju përdor

M.Q./Sh.Sh/Shqiptarja.com

TAG:
• Gentiana Sula
• komision hetimor
• PD
• PS
• taulant balla
• enkelejd alibeaj
• gazment bardhi
• Kuvendi i Shqiperise
• flamur noka