Në mungesë të një autoriteti që të kujdeset për këtë qytet antik janë banorët e fshatit Klos, të cilët e kanë shndërruar në kullotë. I gjithë territori antik është ndarë në parcela dhe përdoret për kullotë bagëtish.
Zbulimet e deritanishme në Nikaia flasin për një qytet, ku jetohej në mirëqenie duke gëzuar të gjitha të drejtat që u jepeshin qytetarëve të periudhës së lashtë.
Kështu, në pjesën anësore të teatrit janë gjetur mbishkrime, që flasin për dhënien e aktit të qyetarisë ekuivalenti i lejes së qëndrimit sot. Qyteti ngjall kureshtjen e turistëve, që e shohin prej kodres së Bylisit.
Ngjitja në Nikaia kërkon shpirt aventure, por ia vlen për të shijuar gjurmët e civilizimit ilir, kombinuar me pamjen e luginës së Klosit, që zbret thikë poshtë kodrës.
Redaksia Online
(mag/shqiptarja.com)
![](https://www.shqiptarja.com/template/img/sh_logo1.png)