POP 5

Lajmet më të lexuara të 5 minutave të fundit

Politikë

Nikoliç: Flamuri, akt i një provokimi
terrorist për të destabilizuar rajonin!

Presidenti serb Tomisllav Nikoliç dënoi ashpër incidentin e djeshëm në ndeshjen mes Serbisë dhe Shqipërisë ndërsa e cilësoi atë si një provokim të hapur politik, me qëllim destabilizimin e rajonit.  
BEOGRAD - Presidenti serb Tomisllav Nikoliç dënoi ashpër incidentin e djeshëm në ndeshjen mes Serbisë dhe Shqipërisë ndërsa e cilësoi atë si një provokim të hapur politik, me qëllim destabilizimin e rajonit.  

Madje Nikoliç, e cilëosn veprimin e djeshëm si një akt terrorist, duke e lidhur këtë sipas tij edhe me shqiptarët që janë bërë pjesë e luftimeve në Irak dhe Siri. Përmes një komunikate për shtyp, Presidenti Nikoliç tha se flamuri i Shqipërisë së Madhe është një provokim për shtetin serb.

“Qëllimi i dukshëm i atyre që organizuan dhe kryen planin e dronit, i cili valëviti Shqipërinë e Madhe ishte për të provokuar dhunë në Serbi, dhe një përpjekje për të destabilizuar të gjithë rajonin. Ndeshjet sportive nuk janë vend për vendosjen e mesazheve provokuese politike," tha presidenti serb, duke shtuar se "promovimi i paskrupullt dhe ideja e parealizueshme e Shqipërisë së Madhe, skhkaktoi reagime të forta në stadium dhe të gjithë vendin.

nikolic ne stadium
(Ne foto: Presidenti i Serbise Tomislav Nikolic dje duke ndjekur ne stadium perballjen me Serbine dhe Shqiperine)

nikolic ne stadium

Nikoliç, tha se Serbia ka bërë çmos për të lënë të kaluarën pas dhe për të zhvilluar marrëdhënie miqësore, dhe se vizita e ardhshme e Kryeministrit të Shqipërisë, Edi Rama në Serbi pritet si një shenjë e vendosjes së marrëdhënieve të shkëlqyera.

"Pas vrasjes së krijimit të miqësisë midis Serbisë dhe Shqipërisë, është e qartë se Shqipërisë do t’i duhen dekada, ose edhe shekuj të bëhet një vend normal, pa urrejtje ndaj serbëve," tha Presidenti Nikoliç.

Numri një i shtetit fqinj thotë se i mungonte vetëm një mjet shpërthyes dronit të djeshëm, për të dhënë përshtypjen e një akti terrorist,  pasi sipas tij “të shumtë janë edhe shqiptarët që janë bërë pjesë e veprimeve terroriste në Irak dhe Siri.”

Redaksia Online
(e.c/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Elbasan/ Dy të rinjtë u larguan nga Komisariati më 31 dhjetor, AMP pezullon nga puna 3 efektivët! Nuk parandaluan arratisjen e tyre

Elbasan/ Dy të rinjtë u larguan nga Komisariati më 31 dhjetor, AMP pezullon nga puna 3 efektivët! Nuk parandaluan arratisjen e tyre

15 Janar, 16:41