Nikolla pret presidentin austriak! Van der Bellen: Shqipëria ka bërë progres në rrugëtimin europian

Presidentin Federal të Austrisë. Alexander Van der Bellen: Vlerësoj mbështetjen popullore për integrimin evropian! Kryetarja e Kuvendit, Lindita Nikolla, priti sot në një takim të ngrohtë e miqësor  Presidentin Federal të Austrisë, Alexander Van der Bellen, i cili po zhvillon një vizitë zyrtare në Shqipëri. Kryetarja Nikolla e falënderoi Presidentin Alexander Van der Bellen për marrëdhëniet të shkëlqyera e dinamike si edhe bashkëpunimin e gjithanshëm mes dy vendeve tona.

“Me Austrinë kemi një bashkëpunimin intensiv parlamentar dhe një  Marrëveshje Bashkëpunimi mes Kuvendit dhe Këshillit Kombëtar, për ngritjen në Kuvendin e Shqipërisë të Punishtes së Demokracisë, e cila po zbatohet dhe po krijon një model shume pozitiv për edukimin demokratik e qytetar të rinisë.”, theksoi  Nikolla.

LEXO EDHE:
Presidenti Begaj në Firmo: Diversiteti kulturor, burim pasurimi dhe harmonie

Kryetarja Nikolla shprehu mirënjohjen ndaj Austrisë  për rolin shumë të rëndësishëm në suksesin e procesit të integrimit të Shqipërisë në BE dhe bindjen se kjo mbështetje do të vijojë edhe gjatë negociatave. Nikolla shprehu gjithashtu mirënjohjen për mbështetjen në procesin e reformave, në veçanti të reformës në drejtësi, dhe vullnetin e Shqipërisë për avancimin e bashkëpunimit dypalësh në fushat e ekonomisë, rendit publik, luftën kundër krimit të organizuar, trafiqeve, krimit kibernetik, ndihmën ndaj agjencive ligjzbatuese, arsimit e formimit profesional etj.

Nikolla i shprehu Presidentin Alexander Van der Bellen kërkesën për mbështetjen e Austrisë për anëtarësimin e Kosovës në Këshillin e Evropës dhe në organizata të tjera ndërkombëtare. Presidenti Alexander Van der Bellen falënderoi Kryetaren Lindita Nikolla për takimin dhe vlerësoi progresin e Shqipërisë drejt BE-së si edhe mbështetjen popullore për integrimin evropian, arritjet e reformave dhe mundësitë e gjera të bashkëpunimit dypalësh në fusha si bujqësia, arsimi etj. Presidenti Alexander Van der Bellen shprehu mbështetjen e Austrisë për dialogun Kosovë-Serbi dhe zbatimin e Planit Evropian si e vetmja rrugë për normalizimin e marrëdhënieve mes dy vendeve dhe stabilitetin në rajon.

Lajmi kryesor:

Presidenti austriak vizitë në Tiranë! Begaj: Folëm për marrëveshjen e Ohrit, nuk mbështes Republikën Srpska në Kosovë! Van der Bellen: Shqipëria në rrugën drejt unionit

SI.E./Shqiptarja.com

TAG:
• Alexander Van der Bellen
• Bajram Begaj
• Kuvendi i Shqiperise