POP 5

Lajmet më të lexuara të 5 minutave të fundit

Kultura

Nis festivali i filmit ‘Marubi’
 zgjerohet rrjeti i shfaqjeve

Ka nisur në ambientet e Akademisë së Filmit dhe Multimedias MARUBI edicioni i Dhjetë i Festivalit të Filmit dhe Multimedias MARUBI. Festivali sjell projeksionin e 44 filmave për të drejtat e njeriut. Filmat trajtojnë probleme aktuale, jo vetëm për shoqërinë shqiptare, por për të gjithë botën. 
Nis festivali i filmit ‘Marubi’<br /> zgjerohet rrjeti i shfaqjeve
Ka nisur në ambientet e Akademisë së Filmit dhe Multimedias MARUBI edicioni i Dhjetë i Festivalit të Filmit dhe Multimedias MARUBI. Festivali sjell projeksionin e 44 filmave për të drejtat e njeriut. Filmat trajtojnë probleme aktuale, jo vetëm për shoqërinë shqiptare, por për të gjithë botën. Filmat trajtojnë kryesisht fenomene që lidhen me krimin e organizuar dhe korrupsionin si një nga shkeljet kanosëse të të drejtave të njeriut dhe institucioneve demokratike.
 
Sundimi aktual i oligarkive ekonomike e financiare, kontrolli i pushtetit mediatik, shfrytëzimi barbar i burimeve natyrore dhe krahut të punës, kontrolli i sistemit të drejtësisë  nga qarqe kriminale, janë subjekte kryesore të filmave që spektatori ynë do të ketë rastin t’i shohë brenda një kohe të shkurtër. Këtë vit, pjesë e programit do të jenë edhe 10 filma britanikë me metrazh të shkurtër, pjesë e koleksionit të Këshillit Britanik, për të cilët është krijuar një komponent dixhital duke qenë në mënyrë të vazhdueshme online në internet.

IHRFFA këtë vit ka zgjeruar rrjetin e sallave të shfaqjeve të filmave, duke përfshirë jo vetëm Universitetin Polis dhe atë Europian, por edhe sallën e shfaqjes së Filmave në Arkivin Qendror Shtetëror të Shqipërisë. 
 
Gjatë 6 ditëve të Festivalit aktivitetet do te zhvillohen në këtë mënyrë:   Paradite, duke filluar nga ora 11.00 forume dhe debate të organizuara me klasat e gjimnazeve të Tiranës. Pasdite, duke filluar nga ora 16.00 do të prezantohen 44 filma nga e gjithë bota, që trajtojnë çëshjtet e të Drejtave të Njeriut. Filmat janë në gjuhën origjinale, me titra në Anglisht dhe në Shqip. Shfaqjet do të jenë falas dhe të hapura për publikun.
 
Festivali mbështet nga Bashkia e Tiranës, Ministria e Kulturës, Ministria e Arsimit dhe Sportit, institucionet ndërkombëtare si OSBE, Ambasada e SHBA-së, Gjermanisë, Francës, Italisë, Suedisë, Republikës Çeke, Austrisë, etj.
 
Redaksia Online
(Shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Media: Armëpushimi në Liban do të shpallet sonte pas orës 22:00

Media: Armëpushimi në Liban do të shpallet sonte pas orës 22:00

26 Nëntor, 15:21