Në Tiranë ka nisur këtë fundjavë Kampionati Kombëtar i Volejbollit, kategoria U-16 për vajza. Kreu i Bashkisë së Tiranës, Erion Veliaj, duke përshëndetur ekipet e vajzave pjesëmarrëse në këtë kompeticion, deklaroi se si Federata e Volejbollit, ashtu edhe ajo e basketbollit, janë dy federata model.
“Ku ka bashkëpunim, ku ka transparencë, aty ku kryetari e sekretari i Federatës zgjidhen me zgjedhje të lira, të pastra dhe votohen nga një listë delegatësh, emrat e të cilëve i dinë të gjithë, në fund krijojnë një federatë model si Federata Shqiptare e Volejbollit. Nëse Albensi do të ishte votuar pa delegatë dhe me lista të sajuara; nëse Erli do të ishte votuar pa delegatë, me manipulime dhe falsifikime, ju nuk do ishit sot këtu. Një federatë që vjedh zgjedhjet e veta, sigurisht që vjedh edhe rezultatin e ndeshjes, shet lojën, dhe talentin që do të shkon në kombëtare e kthen në një lloj tenderi. Kur nuk ka besim, kur nuk ka moral, kur nuk ka transparencë, atëherë nuk ka lojë të ndershme. Mënyra si funksionon federata duhet të japë garancinë se edhe loja që do të zhvillohet këtu, të jetë e pastër,” u shpreh kryebashkiaku.
Veliaj shpjegoi edhe njëherë betejën me FSHF.
“Kur më pyesin pse futesh në këto debate, përgjigjja që jap është kjo: Nëse kryetari i Bashkisë shikon një padrejtësi dhe nuk reagon, kush do reagojë? Një mësues fiskulture humbet certifikimin, një lojtar humbet kartonin, një ekip që reagon del nga kategoria nëse ai që drejton Federatën është jo transparent, është jo i moralshëm, shet lojtarët, shet ndeshjet, shet “fair play”-n. Nëse e gjithë shoqëria bëhet bashkë, nëse gjithë shoqëria mbështet të drejtën, nëse gjithë shoqëria çohet në këmbë që të kemi drejtësi në çdo vend ku luhet sport, atëherë do të ketë ‘fair play’ në çdo fushë të Shqipërisë,” theksoi ai.
Kreu i Bashkisë e mbylli fjalën e tij duke veçuar faktin se qeveria shqiptare ka dhënë grantin më të madh sportiv në 100 vite, pikërisht që të ndihmojë buxhetin familjar.
“Sot i gëzohemi këtyre aktiviteteve, por kjo palestër nuk ishte këtu. Palestra tjetër në Farkë, ku po luhen ndeshjet e tjera, nuk ishte këtu. Parku Olimpik nuk ishte këtu. Do të thotë se ku ka vullnet dhe bashkëpunim ne mund të bëjmë punë të mira, mund të bëjmë punë të bukura. Para se të vinte Fideli, në Komitetin Olimpik kishim një situatë kur nuk komunikohej fare. Në ndeshjet e garat olimpike të Rio De Janieros, gjysma e ekipit olimpik nuk pranonte të futej në garë, se ekipi ynë olimpik shiste dhe blinte ndeshjet, shiste dhe blinte lojtarët, bllokonte atë që nuk kishte mundësi të paguajë. Ja ku jemi sot. Brikeni është kampion bote në peshëngritje, Luiza e dyta në Manchester, Izmiri në 10 më të mirët,” tha Veliaj.
Lajme të tjera
-
Rikthehet 'Parada Shqiptare' më 28 Nëntor në Tiranë! 300 grupe artistike nga Diaspora do të mblidhen në kryeqytetin shqiptar
23 Nëntor, 15:48 -
Veliaj inspekton terminalin veri-perëndimor: Investim i ri që lehtëson trafikun dhe modernizon transportin
23 Nëntor, 11:51 -
Vrasja e Martinit/ Shoqëria civile deklaratë para shkollës 'Fan Noli': Bojkot mësimit nëse nuk merren masa, të dorëhiqet Manastilriu
23 Nëntor, 10:42 -
Gjendet thika me të cilën u vra Martini, autori e hodhi në tarracën e një godine pranë Gjykatës së Apelit, e pikasi një banor! Mister kush e çoi në spital (VIDEO)
23 Nëntor, 10:09
-
Policia i ‘kap mat’ në tavolinën e pokerit, 29 të arrestuar në Tiranë! 1 në kërkim, sekuestrohen para (EMRAT)
23 Nëntor, 09:43 -
Vrau në Krujë vëllezërit Bardhi pasi i plagosën vëllanë, Gjykata e Tiranës dënon me burgim të përjetshëm Roland Pulën
22 Nëntor, 21:19 -
Tiranë/ Policia po zhvillon operacion kundër lojërave të fatit, kapen disa persona
22 Nëntor, 21:19 -
Vrasja e Martinit/ Gjendet pranë Gjykatës së Apelit thika, me të cilën u kry krimi! Bashkë me të edhe çanta e shkollës e 14 vjeçarit të arrestuar si autor
22 Nëntor, 21:09 -
Vrasja e Martinit, zbardhet audioja tronditëse në mbledhjen e prindër te 'Fan Noli': Autori nxori thikën në klasë, mbani përgjegjësi
22 Nëntor, 20:30 -
Gruas i duhet të pastrojë vetë pusetën për të shpëtuar nga përmbytja! Shikoni videon tek 'Myslym Shyri' në Tiranë (VIDEO)
22 Nëntor, 18:23 -
Tiranë/ Plagosja e 20-vjeçarit në 'Qytetin Studenti', arrestohet 19-vjeçari nga Kamza! Nën hetim edhe personi që i shiti thikën
22 Nëntor, 15:46 -
Babai i Uzunit fjalë të ashpra kundër Sylvinhos: S'ia vlerësuan djersën e sakrificën, as këpucët nuk ia morën në transfertë! Ata i fshinë emrin nga Euro 24
22 Nëntor, 14:26
