Ndeshja e fundit e javës së 13 të Superligës mes Partizanit dhe Laçit e programuar të luhet në Elbasan Arena ka nisur me 15 minuta vonesë. Arsyeja për këtë shtyerje ka qenë mungesë e ambulancës në stadium, duke bërë që zyrtarët e ndeshjes të mos pranonin fillimin e saj.
Është dashur të pritet disa minuta për ardhjen e saj, diçka e cila ka ndodhur pas pothuajse 15 minutash. Raportohet se në stadium ka mbërritur ambulanca e morgut.
![](https://shqiptarja.com/template/img/NO_ALFA_Kuadrate shqiptarja.png)
Si rrjedhojë, më pas arbitri i ndeshjes ka vërshëllyer duke sinjalizuar fillimin e kësaj sfide, e cila mbyll javën e 13 të kampionatit.
Kujtojmë se vetëm dje takimi mes Vllaznisë dhe Teutës u ndërpre në dy raste, për shkak të ikjes së energjisë në Loro Boriçi. Si duket kjo ka rezultuar një javë e vështirë në aspektin organizativ për klubet.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)