Rreth 17.500 banorë të qytetit të Krujës shumë shpejt do të kenë furnizmi me ujë të pijshëm pa ndërprerje. Për t'i dhënë zgjidhje problemit që hasin prej vitesh banorët e Krujës, ditën e sotme ka nisur puna për ndërtimin e ujësjellësit.
Lajmi është bërë i ditur nga Ministrja e Infrastrukturës dhe Energjisë, Belinda Balluku ku së bashku me Drejtorin e Përgjithshëm të Agjencisë Kombëtare të Ujësjellës-Kanalizimeve dhe Infrastrukturës së Mbetjeve, Alqi Bllako, inspektuan në terren nisjen e punimeve për këtë vepër. Drejtori Bllako bëri të ditur detaje sa i takon këtij investimi, që parashikon ndërtimin e një depoje me kapacitet 500 metër kub si dhe ndërtimin e një rrjeti transmetimi prej 15.6 kilometrash.
Investimi mori indicie katër muaj më parë, ku përmes Platformës së Bashkëqeverisjes shqiperiaqeduam.al, një grup banorësh nga Bashkia e Krujës thirrën në interpelancë Ministren e Infrastrukturës dhe Energjisë, Belinda Balluku, ku ngritën shqetësimin e tyre për mungesën e furnizimit me ujë të pijshëm. Ministrja ju premtoi banorëve angazhimin maksimal për zgjidhjen e kësaj situate.
“Ky është një projekt jetik për qytetin e Krujës, i cili i jep zgjidhje përfundimtare problemit të furnizimit me ujë, një problem i trashëguar në mbi 30 vite. Është gjetur një burim i ri, burimi i Vaomirës në vargmalet e Skënderbeut dhe do të ndërtohet një linjë e re 15.6 kilometra transmetimi, e cila do garantojë furnizim të pandërprerë 24 orë me ujë për 8 muaj të vitit, kryesisht gjatë muajve të lagësht, nga nëntori në qershor dhe një furnizim prej të paktën 16 orë në ditë për periudhën e thatë të vitit”, tha Bllako.
Ministrja Balluku vlerësoi angazhimin e qytetarëve, të cilët shqetësimin e tyre e shprehën në Platformën e Bashkëqeverisjes. Balluku tha se ndërtimi i rrjetit të ujësjellësit për Bashkinë Krujë ishte planifikuar për t’u realizuar, por pas kërkesës së banorëve gjatë interpelancës, ky investim u përshpejtua në kohë.
“Ky është një rast që ne na erdhi përmes Platformës së Bashkëqeverisjes. Një grup banorësh të Krujës na kërkuan, për shkak të investimeve të munguara në disa dekada, ndërhyrje në rrjetin e ujësjellësit. Premtuam që do fillojmë ndërtimin në vjeshtë dhe e mbajtëm premtimin. Shpresojmë të mbyllet procesi, ashtu siç kemi premtuar, para fillimit të sezonit veror. Duhet t’ua dorëzojmë qytetarëve të Krujës sipas afatit, pasi flitet për një shërbim bazik, jetësor, siç është uji dhe të kesh burime të këtij mali dhe të mos kesh ujë në shtëpi, në qytet, është diçka e papranueshme”, u shpreh Balluku.
Nisur nga ky rast, por edhe nga shumë histori suksesi të tjera, që lidhen me Platformën e Bashkëqeverisjes, ministrja e Infrastrukturës dhe Energjisë u bëri thirrje të gjithë qytetarëve që shqetësimet e tyre, apo edhe të komunitetit, t’i adresojnë në këtë platformë. Ajo siguroi për angazhimin e të gjithë strukturave të shtetit për t’i dhënë zgjidhje problematikave të adresuara nga qytetarët.
“Platforma e Bashkëqeverisjes duhet përdorur. Është një platformë funksionale ku çdo ministër, çdo drejtor, çdo nëpunës i shtetit merr informacion nga njerëzit dhe është i detyruar që t’i përgjigjet nevojës së tyre. Është një platformë, e cila duhet përdorur pasi është kontakti direkt me çdo institucion shtetëror dhe është kontakti direkt, ku ne arrijmë të kuptojmë sesi është performanca e institucioneve tona të varësisë dhe kush janë nevojat më të mëdha, që ka qytetari apo komunitete të tëra”, nënvizoi ministrja Belinda Balluku.
Ndërtimi i ujësjellësit të ri të Krujës do të sigurojë për 17.500 banorë, jo vetëm furnizim të pandërprerë me ujë të pijshëm, por njëkohësisht do të eliminojë humbjet dhe ndotjet e ujit në rrjet. Projekti parashikon gjithashtu edhe mbulimin me ujë të pijshëm të zonës së Sarisalltikut.
Komente
Lajme të tjera
-
Krujë, vendoset busti i firmëtarit të Pavarësisë, Mustafa Merlika! Kryeministri që bëri realitet ‘Shqipërinë etnike’
26 Nëntor, 17:31
-
Pesë vite nga tërmeti, 1123 familje ende pa shtëpi në Durrës! Procesi i rindërtimit i vonuar dhe në Lezhë, Kurbin e Krujë
26 Nëntor, 16:36 -
Vrau në Krujë vëllezërit Bardhi pasi i plagosën vëllanë, Gjykata e Tiranës dënon me burgim të përjetshëm Roland Pulën
22 Nëntor, 21:19 -
Moti i keq, rrethi i Krujës pa drita! 6000 banorë mbeten në terr
22 Nëntor, 18:38 -
Berisha: Ky buxhet i çon miliardat tek Lubi Balluku, ka hyrë në Gines kjo hajdute! Vetëm 16 milionë euro dhe bonusi i blerjes së votave
18 Nëntor, 13:36 -
Kokaina nga Amerika Latine përpunohej në laborator në Fushë Krujë e çohej në BE! Baza edhe tek 'Kodra e Diellit 2'! SPAK: 10 të arrestuar mes tyre 3 të huaj! Në 48 ton lëkurë gjedhi fshihet droga e importuar (EMRAT)
16 Nëntor, 07:23 -
Skandali me shit-blerjen e energjisë elektrike, Bardhi: Shqipëria e paguan me 11,1 euro, Kosova me 7,4 euro! Abuzime kriminale, Balluku përgjegjëse, SPAK të hetojë
15 Nëntor, 17:40 -
Tonin Vocaj ikën nga posti i drejtorit të policisë së Tiranës, letër falenderimi efektivëve: Stabilizuam sigurinë në Krujë! Kultivimi i kanabisit gati inegzistent në Tiranë
14 Nëntor, 14:29 -
‘Situatë dramatike’: Paligjshmëritë në sektorin minerar lënë pas një masakër mjedisore
14 Nëntor, 08:23 -
Turistët e huaj nuk mungojnë as përgjatë muajit Nëntor, të preferuara objektet historike dhe kulturore! Rama: Këtë vit u mikpritën mbi 1,2 mln vizitorë në këto site
13 Nëntor, 08:17 -
Shqipëria dhe Emiratet e Bashkuara marrëveshje për krijimin e kompanisë së përbashkët të prodhimit të energjisë! Investime në vendin tonë dhe rajon
12 Nëntor, 14:22 -
Krujë/ Shpërthim gjatë natës në hyrje të pazarit! Autorët hedhin në erë bankomatin me eksploziv, në ikje hedhin kunja në rrugë për shpimin e gomave të mjeteve
12 Nëntor, 09:50
107 vjete parvarsi dhe hala flitet per uje me pi. E cekija ka birren me rrobinete ne shpi
Përgjigju