POP 5

Lajmet më të lexuara të 5 minutave të fundit

Sociale

Nis sezoni i ullinjve në Fier, shtrenjtohet çmimi i vajit! Më pak prodhim se vitin e kaluar! Përpunuesi: Pritet të shitet me 800 lek/litri

Vaji i ullirit që sapo ka nisur të përpunohet fabrikat e Fierit pritet të dalë në treg me 800 lek për liter. Fermerë dhe grumbullues thanë për Report TV se kanë rritur çmimin për shkak se prodhimi është më i dobët se vitin e kaluar. Po kështu është shtuar kërkesa për eksport.

Ka nisur sezoni i vjeljes dhe përpunimit të ullinjve në Cakran të Fierit, një ndër zonat më të njohura për këtë kulturë ku gjenden 450 mijë ullinj.

Këtë vit prodhimi është 30 % më i ulet nga viti i kaluar, ç’ka pritet të çojë në rritjen e çmimit si për vajin ashtu dhe për ullinjtë e tryezës.

“Prodhimi është i dobët për shkak të thatësirës, por duket se do ketë çmim të mirë”, tha një fermer.

“Unë kam 750 rrënjë ullinj. Vjet e kam shitur lirë vajin por këtë vit do të pres derisa të shkojë 700 lek/litër e lart! Nuk e jap në tregun vendas do të pres të vijnë grumbulluesit italianë”, tha një fermer.

Kamera e Report tv ndoqi nga afër procesin e prodhimit të vajit në një prej fabrikave të Cakranit. Ulliri i papërpunuar po shitet me 100 deri në 130 lek për kg sipas varieteteve.

“Këtu në Cakran ka disa varietete Kalinjot, Koronea, etj. Për shembull kalonjoti me shumicë është 130 lek/kg, të tjerët me 100 lek për kg”.

Ndërsa çmimi për vajin ende nuk është përcaktuar por mund të shkojë deri në 800 lek për litër.

“Çmimi i vajit mund te shkoje 800 lek për litër për arsye se ka pak ullinj”, tha pronari i fabrikës, Kujtim Mustafaraj.

Në 2022-shin pati mbiprodhim në mbarë vendin, ku sipas Ministrisë së Bujqësisë u eksportuan 1 400 ton vaj ulliri.

M.T/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Miri: 02/11/2023 15:52

    I ke rene pikes

    Përgjigju
  • Kot: 02/11/2023 07:33

    Do ta shesin me 800 po sa do shesin eshte pyetja. Se e sigurt qe do tu ngelet prodhimi stok. U terbuat te gjithe me keto cmime edhe ju qe na paralajmeroni tregetareve u sherbeni

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi/ PS dhe PD ndajnë nga 4 mandate deputetësh në Shkodër

Sondazhi/ PS dhe PD ndajnë nga 4 mandate deputetësh në Shkodër

25 Dhjetor, 21:24