Më 16 maj, ora 17:00 do të zhvillohet raundi i parë i votimit për zgjedhjen e Presidentit të republikës. Vendimi është marrë nga Konferenca e Kryetarëve në mbledhjen e sotme. Më 15 maj ora 16:00 është afati I fundit për të dorëzuar propozimet zyrtare të deputetëve ndërsa më datën 16 maj ora 10:00, të mblidhet Komisioni i Ligjeve për vlerësimin e kandidaturave. Afatet janë vendosur me votë të Partisë Socialiste, pasi përfaqësuesit e opozitës nuk morën pjesë në votim.
Edhe kjo mbledhje e Konferencës së Kryetarëve, e cila ishte vijim i asaj të nisur më 4 maj, pati debate mes palëve pasi socialistët insistonin me nisjen e procedurave ndërsa deputetët demokratëve e vinin theksi te fakti që Partia Socialiste nuk është e sinqertë me këtë proces. Sipas tyre mazhoranca tashmë e ka vendosur Presidentin dhe kërkon që opozitën ta përdorë si mbulim.
Partia Socialiste tha se nuk ka qëllim të zgjedhë një President të mazhorancës por të shqiptarëve por nuk nuk mund të ketë kushte nga opozita.
"Opozita nuk do të vendosë kushte", kjo ishte përgjigja e Alibeajt Sipas tij do të ishte ideale që presidenti të zgjidhej nga qytetarët, por meqenëse kjo nuk është e mundur të paktën duhet të jetë një proces transparent.
Kryetari i Grupit Parlamentar të PD, Enkelejd Alibeaj tha një ditë më parë se nuk do të shkojnë në Konferencën e Kryetarëve për negociata me mazhorancën. Ai u shpreh se të gjithë duhet të marrin pjesë në proces, duke theksuar se diskutime dhe negociata do të ketë vetëm me aleatët.
Nga të gjithë emrat e propozuar nga deputetët e Partisë Socialiste për Presidentin e ri, vetëm 67 prej tyre janë seleksionuar nga grupi negociator për t'u diskutuar më tej mes vetë maxhorancës, grupeve të tjera parlamentar dhe shoqërisë civile. Kryeministri Edi Rama nuk e ka përjashtuar mundësinë që ata të dalin në raundet e para me më shumë se 1 kandidaturë.
Ilir Meta do të jetë në krye të Presidencës deri më 24 korrik 2022, ndërsa Kuvendi duhet të nisë procesin e zgjedhjes së tij jo më vonë se 24 maji 2022 sipas Kushtetutës.
Deputetja e Partisë Demokratike Grida Duma tha se opozita nuk do të bëhet fasadë e mazhorancës për zgjedhjen e presidentit. Duma i kërkoi mazhorancës, që t’i jepet opozitës propozimi i parë për emrin e presidentit.
‘Nëse ju e keni marrë vendimin dhe vazhdoni, kalojeni me shpejtësi këtë proces. Por kjo nuk është rruga e duhur. Nuk është fare e nevojshme që të kalojmë topin. Historia e 30 viteve tranzicion nuk i bën ndjerë politikës shqiptare. Ju vini me një vendim politik, për një presidenti jo politik!. Kjo nuk e nderon klasën politike shqiptare. Nëse ju shpresoni që do të ulemi këtu dhe do të bëhemi noter të procedurave tuaja, kjo është një gjë që nuk mund ta merrni. Ju mund ta zgjidhni presidentin në raundin e 4, por fasadë nuk do të bëhemi. Megjithëse ju mund të shkoni te 71 votat, jepjani propozimin e parë opozitës. Ne nuk bëhemi fasadë. Jepjani propozimin opozitës.’- tha Duma.
"Opozita nuk do të vendosë kushte", kjo ishte përgjigja e Aliebajt ndaj Spiropalit e cila tha se PS nuk do të pranojë kushte nga opozita. Sipas tij do të ishte ideale që presidenti të zgjidhej nga qytetarët, por meqënse kjo nuk është e mundur të paktën duhet të jetë një proces transparentë.
Ai tha se PS nuk ka legjitimitetin e shqiptarëve për këtë proces, pasi i ka marrë votat nga "non gratat"
"Kush ju tha juve që kemi vendosur kushte? Askush! Pala andej dëgjoni, i kam bërë të qartë në këtë sallë një javë më parë. Ky parlament duhet të zgjedhë presidentin e shqiptarëve. E mira do të ishte ta zgjidhnin vetë shqiptarët, por nuk e kemi këtë mundësinë kushtetuese. Qëndrimi ynë është i tillë, të flasim para shqiptarëve, t'i flasim atyre. Mbas 30 e ca vitesh, të paktën kjo shoqëri të gjej forcën për të thyeje tabu 30-vjeçare, sepse komunizmi është prezent. Ne i kemi sfidat me shqiptarët. Jo më kot ju thashë javën e kaluar, gjithë ky proces të jetë në shërbim të transaperëncës, duhet të jetë i shtrirë në kohë, shqiptarët të marrin vesh veset e procesit dhe të bien dakord që standardi që do të vendosi për raundin e parë, të jetë një standard të aplikohet së paku në dy raundet e tjera. Nuk keni të drejtë të vendosni kushte, s'keni legjitimitetin e shqiptarëve. Keni vota nga persona non grata.", tha Alibeaj.
Deputetja Spiropali u shpreh se Partia Socialiste nuk ka synim të zgjedhë një President të PS edhe për faktin se e di që ka shumë pushte, kjo edhe për fajin e PD.
“Ka një kohë për të bërë politikë, ka një kohë për të bërë procedurë, edhe të dyja njëkohësisht. Në Kushtetutë thuhet qartë se si zgjidhet procesi kushtetues. Këtu është bërë zakon të flitet për procese të brendshme të Partisë Socialiste në një kohë kur në palën tjetër s’ka fare proces. Përsëriten propozimet me zarfe, apo konsultimet me shoqërinë civile. A thua se kjo është mëkat. Ne nuk kemi vendosur asnjë kusht për opozitën. Sigurisht që kemi konceptet tona për një profil se si duhet të jetë Presidenti i Republikës, duke pasur parasysh edhe pushtetin e madh që kemi akumuluar, ku këtu ka kontribuar opozita duke ikur nga procese shumë të rëndësishme. Ne nuk duam një President të të PS-së. Duam të marrim nga ju emrat më të mirë, por nuk duam kushte”, tha Spiropali.
Në mbledhjen e Konferencës së Kryetarëve, deputetja socialiste Klotilda Bushka ka shpalosur propozimet e socialistëve për procedurat dhe afatet deri në votimin e parë për Presidentin e Republikës.
“Të mos i ngatërrojmë gjërat dhe të bëjmë diskutime që nuk I takojnë kësaj tryeze. Unë propozoj që raundi i parë të jetë në datën 16 maj, ora 17:00. Disa detyra do të kryhen paraprakisht. Propozoj që Brenda datës 15 maj ora 16:00 të sillen propozimet zyrtare të deputetëve. Më datën 16 maj ora 10:00, të mblidhet Komisioni I Ligjeve për vlerësimin e kandidaturave”, ka propozuar Klotilda Bushka në fjalën e saj.
Deputeti Agron Gjekmarkaj tha se nëse mazhoranca i ka të sinqerta propozimet për negociata për zgjedhjen e presidentit të ri së bashku me opozitën, ato janë të gatshëm që të propozojnë emrat për kandidatët.
‘Flitet për proces por nuk ka proces. Procesi është në kokën e një individi. A ka të drejtë mazhoranca të propozojë emrin e presidentit të Republikës. Por kjo mazhorancë ka disa probleme. Ka probleme me çështjen e zgjedhjeve dhe të mandatave, ku një pjesë e deputetëve kanë përfunduar edhe në qeli. Edhe për faj të opozitës aktuale kjo mazhorancë ka më shumë pushtet. Rama ka folur për një mundësi bashkëpunimi me opozitën. Nuk e kam kuptuar deri ku shkon oferta e opozitës për të përfshirë presidentin. Ai caktoi një komision për të caktuar identiktin. Në fund ju thatë se nuk do të jetë nga politika. Unë dua një president politik.
Zgjidhni një personalitet të PS. Opozita ka 63 deputetë në Kuvend. Jam deklaruar që opozita ka detyrimin që të nxjerrë emra për president. E djathta ka emra dinjitoze. Pas çdo emri fshihen edhe cilësia. Opozita ka detyrimin moral ti japë një kandidat alternativ vendit për president. Nëse jeni të sinqertë, në atë që keni deklaruar, apo do të mirëprisni emra. Në do të ishim të gatshme të ndërtonim një strategji komunikimi duke propozuar edhe emra.’- tha Gjekmarkaj.
Deputetja e Partisë Demokratike, Flutura Açka, tha se PS e ka zgjedhur Presidentin dhe thjesht kërkon opozitës si makiazh.
“Këtu duhet të kishit kërkuar një ndjesë publike për mënyrën se si e zgjodhet Presidentin e kaluar. Nga ana tjetër atë procesin e zgjedhjes më zarfe të Presidentit duhet të mos na e kishit bërë publik. Sipas llogarisë na dalin 250 presidentë sipas jush. Ndaj ky si proces është bërë pis. Ju keni vendosur ta uzurponi poziconin e Presidentit. Ju e keni zgjedhur Presidentin dhe na doni këtu si ‘buzëkuq’ për tu dukur të bukur. Ju keni vetëm 2 kritere, ose komunist ose lëpirës dore”, tha Açka.
Komente
Lajme të tjera
-
Konferenca e Kryetarëve/ PS rrëzon komisionin hetimor për Ballukun, lidhur me Porto Romanon! Bardhi: Aferë korruptive! Balla: Kërkoni 6 muaj hetim, s'ka kohë
23 Dhjetor, 12:27 -
Balla takim me punëtorët shqiptarë në Toskana: Deri në Pashkë shpresojmë të arrijmë marrëveshjen për njohjen e pensioneve! Merrni pjesë në votime
21 Dhjetor, 17:10 -
‘Mbështesim SPAK, pro zgjatjes së mandatit të prokurorëve’, Alibeaj: Këta duan që të minojnë punën e tij! Komisioni ‘Xhafaj’ synim për ta delegjitimuar
21 Dhjetor, 12:49 -
VanHorn takohet me deputetët Shehi, Alibeaj e Shehaj, shqetësime për zgjedhjet e 2025! LZHK: Takimi i dy Kuvendeve, pozitiv nëse s’është për qëllime elektorale
20 Dhjetor, 12:44 -
Pr/ligjet e miratuara në Kuvend/ Rimbursohen profesionistët e lirë që paguan këstet e tatim-fitimit! Ngrihet shërbimi rezervist
19 Dhjetor, 23:23 -
Dita Kombëtare e Diasporës/ Ministri Balla: Duhet t'i garantojmë çdo fëmije me prindër shqiptarë që të mësojë shqipen
18 Dhjetor, 16:07 -
EKSKLUZIVE/ Qeveria në lëvizje për të ndihmuar këngëtaren Parashqevi Simaku! Balla kontakte me Konsullatën në Nju Jork për t'i siguruar pasaportë
18 Dhjetor, 14:33
-
Dita Ndërkombëtare e Emigrantëve, Balla: Mirënjohje shqiptarëve që 33 vjet më parë u nisën në kërkim të një jete më të mirë
18 Dhjetor, 12:51 -
Projektligji i PS-së për faljen e gjobave kalon në komisione, amnisti dhe për ndërtimet individuale pa leje në fshat e qytet në 10 vitet e fundit
17 Dhjetor, 11:38 -
Konferenca e Kryetarëve debate për interpelancën e Bardhit për Ramën! Rrëzohet ngritja e Komisionit të Posaçëm 'Pakti i fëmijëve'! U kërkua nga 'Djathtas 1992'
11 Dhjetor, 13:13 -
Deputetët e 'Djathtas 1912 'kërkojnë komision të posaçëm për 'Pakt për Fëmijët'
6 Dhjetor, 14:24 -
Balla pret Presidentin e Institutit Italian për Kujdesin e Punëtorëve, në fokus të drejtat e punëmarrësve shqiptarë në Itali
6 Dhjetor, 14:23
Ishallah po bejne nje zgjidhje te duhur qe te kete cfar te jape per vendin jo si hajduti Ilir Meta qe ja piu gjakun ketij populli vetem i ka vjedhur
PërgjigjuZgjidheni vet presidentin mos u merrni me kto deshtak
PërgjigjuPropozimet qe jep partia socialiste jane te sakta dhe te drejta jo si Pd qe ka vetem barbona.
PërgjigjuDuam nje njeri te denje ne postin e presidentit jo nje si Meta qe vodhi shqiptaret
PërgjigjuDy njerez me vlera te cilet nuk i humbasin lidhjet pavaresisht situatave qe ndodhen
PërgjigjuShume gje e mire qe miqesia mes jush qendron dhe ka per te egzistuar gjithmone
PërgjigjuDuam nje njeri te sakte dhe jo njerez te pallavrave ne postin e presidentit.Vetem si META te mos jete
PërgjigjuPs kerkon nje njeri te duhur ne ate post ne krahasim me pd qe kerkon nje hajduut ne krye
PërgjigjuKeta duan ti kene te gjitha per vete me poste partie me kryeminister me president , a thua na kan nxjerr naj nji te sakte najhere
PërgjigjuZgjilleni vet presidentin e mos u merrni hiq me kto te lodhurit e pd e sidomos mo e nigjoni hiq fatkeqsin kombetare me emrin sali
PërgjigjuMeqenese akoma nuk eshte zgjedhur nje president kjo do te thote qe jan duke e menduar mire ke do vejne dhe kush e meriton vertet kete post
Përgjigju