POP 5

Lajmet më të lexuara të 5 minutave të fundit

Sociale

Nis zëvendësimi i 4 mijë pusetave
Veliaj: Ndëshkime për hajdutët

Pas identifikimit të rreth 4 mijë pusetave të munguara në kryeqytet, Bashkia e Tiranës ka nisur nga puna për zëvendësimin e tyre, duke filluar nga rrugët pranë institucioneve arsimore, e duke vijuar me rrugët kryesore të qytetit. Sipas kryetarit Erion Veliaj, do të ndiqen penalisht qytetarët që vjedhin pusetat si dhe bizneset që i pranojnë ato.
Pas identifikimit të rreth 4 mijë pusetave të munguara në kryeqytet, Bashkia e Tiranës ka nisur nga puna për zëvendësimin e tyre, duke filluar nga rrugët pranë institucioneve arsimore, e duke vijuar me rrugët kryesore të qytetit.

Kryetari i Bashkisë së Tiranës, Erion Veliaj, gjatë inspektimit për përgatitjet e zëvendësimit të pusetave në Ndërmarrjen Publike nr. 2 tha se do të ndiqen penalisht qytetarët dhe të gjitha fonderitë që pranojë pustetat e vjedhura, pronë e qytetarëve të Tiranës.

 “Qytetarët duhet të kuptojnë se pusetat kushtojnë dhe paguhen me taksat e qytetarëve. Kjo do të thotë se, nëse dikush vjedh një pusetë, është duke vjedhur një pronë publike të qytetarëve. Prandaj, jo vetëm do të gjobitet, jo vetëm që do të ndiqet penalisht, por do t’u biem pas edhe fonderive që marrin pjesët e pusetave”, tha Veliaj.

veliaj

Sipas tij çdo biznes që i blen këto materiale do të penalizohet.

 “Nëse ka një fonderi e cila shkrin ose blen qoftë edhe një copë pusetë që është pronë e Bashkisë së Tiranës, ai biznes do të mbyllet dhe do t’i hiqet licenca. Do të shkojë për ndjekje penale, jo vetëm ai që e vjedh pusetën, por edhe ai që e blen materialin e vjedhur, që më pas e shkrin dhe e përdor për punë të tjera”, deklaroi kryebashkiaku.

Veliaj tha se Bashkia e Tiranës ka nisur përdorimin e një materiali të ri për prodhimin e pusetave, në mënyrë që të mos jetë i riciklueshëm dhe për pasojë të mos bjerë pre e vjedhësve për t’u shitur.

“Ne do të futemi në një koncept të ri, duke përdorur më shumë kompozitë dhe plastikë, pra do të prodhojmë puseta të pariciklueshme dhe të papërdorshme. Në një qytet ku duhet të jetojmë të gjithë, ai që vjedh pusetat duhet të kuptojë se mbi to kalon nëna dhe motra e tij, gjyshi apo gjyshja e tij”, tha Veliaj.

veliaj

Drejtoria e Ndërmarrjes Publike nr. 2 të Bashkisë së Tiranës ka nisur vendosjen e pusetave dhe zgarave në të dy krahët e Bulevardit “Dëshmorët e Kombit”. Njëkohësisht, aksioni për vendosjen e pusetave është përqendruar nëpër trotuare, afër institucioneve arsimore, ku kalojnë fëmijë dhe më pas punonjësit do të shpërndahen në të gjitha njësitë e qytetit.


Redaksia Online
(u.s/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Vota e diasporës/ Celibashi jep detajet: Ja si funksionon regjistrimi! Asnjë votues nuk penalizohet, mund të riaplikojnë disa herë nëse kërkesa u refuzohet

Vota e diasporës/ Celibashi jep detajet: Ja si funksionon regjistrimi! Asnjë votues nuk penalizohet, mund të riaplikojnë disa herë nëse kërkesa u refuzohet

11 Janar, 12:34