Nishani-Danielsson: Dialog për
krijimin e Këshillit të Integrimit
Nishani tha se do të mbështesë fort krijimin e Këshillit Kombëtar për Integrimin Evropian, me shpresën se ky do të jetë rezultat i bashkë dakordësisë të të gjitha palëve për adoptimin e modelit më të suksesshëm dhe në interesin më të mirë të qytetarëve shqiptarë
TIRANE - Në takimin që Presidenti i Republikës, Bujar Nishani pati sot me Drejtorin e Përgjithshëm për Zgjerimin në Komisionin Evropian, Christian Danielsson u diskutua qartazi përfshirja e të gjitha palëve politike për të bërë të mundur realizimin e reformave si dhe plotësimin e pesë prioriteteve që BE i ka vënë Shqipërisë për anëtarësim. Në kuadër të kësaj bisede Nishani tha se do të mbështesë fort krijimin e Këshillit Kombëtar për Integrimin Evropian, me shpresën se ky do të jetë rezultat i bashkë dakordësisë të të gjitha palëve për adoptimin e modelit më të suksesshëm dhe në interesin më të mirë të qytetarëve shqiptarë. Edhe më parë për krijimin e këtij Këshilli ka patur debate të shumta mes Ministres aktuale të Integrimit Klajda Gjosha dhe ish ministres Majlinda Bregu për kryesimin e komisionit të cilin PD e kërkon me ngulm.
Presidenti vlerësoi angazhimin e Bashkimit Evropian, përfshirë Komisionin dhe Parlamentin Evropian, të cilët po bëjnë përpjekje që Shqipëria të shënojë progres jo vetëm në përmbushjen e 5 prioriteteve, por edhe për konsolidimin e parimeve dhe standardeve demokratike dhe evropiane. Kreu i shtetit theksoi se kryefjala e suksesit të reformave në vend është gjithëpërfshirja, jo thjesht dhe vetëm në optikën e ngushtë partiake, por duke përfshirë ekspertizën më të mirë vendase dhe evropiane. Në këtë kontekst, Presidenti Nishani vuri në dukje vizitën që zhvilloi së fundmi Presidenti i Komisionit të Venecias në Tiranë, duke siguruar për angazhim maksimal në realizimin e reformës në drejtësi.
Danielsson: Gjitheperfshirja, kyce per reformen ne drejtesiDanielsson vlerësoi rolin e Presidentit të Republikës, i cili së bashku me deputetët e Parlamentit Evropian arritën të sjellin palët politike së bashku, dhe në këtë kontekst theksoi se gjithëpërfshirja është kyçe për realizimin e reformave, veçanërisht asaj që të gjithë konsiderojmë prioritare, reformën në drejtësi. Danielsson u shpreh se Komisioni Evropian do të vazhdojë të investohet në Shqipëri, dhe se 5 prioritetet janë plotësisht të qarta, por fokusi duhet të zgjerohet edhe përtej, duke sjellë si shqetësim klimën e biznesit në vend, si dhe çështjen e pronësisë.
Takimi i radhës dhe përgatitjet që po bëhen për Dialogun e Nivelit të Lartë mes Shqipërisë dhe Bashkimit Evropian ishte pika tjetër në të cilën dy krerët u ndalën. Presidenti Nishani u shpreh se do të mbështesë fort krijimin e Këshillit Kombëtar për Integrimin Evropian, me shpresën se ky do të jetë rezultat i bashkë dakordësisë të të gjitha palëve për adoptimin e modelit më të suksesshëm dhe në interesin më të mirë të qytetarëve shqiptarë.
Redaksia online
(F.M/Shqiptarja.com)
Sondazhi i ditës:
A justifikohen aktet e dhunes gjatë një proteste politike?
-
Po
27.7%
-
Jo
61.2%
-
Nuk e di
11.2%
Vota total: 278
Votat totale janë unike
Lajme të tjera
-
Mark Rutte: NATO do të bëjë më shumë për të ndihmuar Ukrainën kundër agresionit rus
9 Tetor, 08:05
-
Hezbollahu intensifikon sulmet me raketa ndaj Izraelit
9 Tetor, 07:51
-
Pentagoni: Ministri izraelit i mbrojtjes anulon vizitën në Uashington
9 Tetor, 07:49
-
Kishte planifikuar sulm terrorist ditën e zgjedhjeve në SHBA, arrestohet i riu nga Afganistani
9 Tetor, 07:45
-
Media spanjolle 'La Vanguardia': Vizitoni Shqipërinë, destinacionin e ri që synon të pushtojë evropianët
9 Tetor, 07:40
-
Stoltenberg emërohet shef i Konferencës së Mynihut për Siguri
9 Tetor, 07:37
-
40% e të punësuarve në Shqipëri përdorin forcën e krahut, jo të mendjes, rekord në Europë
9 Tetor, 07:34
-
Biden-Netanyahu telefonatë sot për planet për sulm ndaj Iranit! Izraeli: Të ndalet para se të jetë vonë
9 Tetor, 07:24
-
Sot reshje shiu në gjithë vendin, Shkodra e Lezha dy qarqet e rriskuara
9 Tetor, 07:10
-
Mos lejoni që të shpërqendroheni nga ngjarje të papritura, horoskopi për sot
9 Tetor, 07:10
-
PISTAT/ Vrasja e shqiptarit Beni Arshiaj në Itali, nga kodi i Kanunit, tek misteri i kameras së manipuluar! Kishte dhe emër të dytë
8 Tetor, 22:56
-
Opozita shkakton tensione në Këshillin Bashkiak Tiranë, hapet gara për stadiumin e ri ‘Selman Stërmasi’, Veliaj: Do e bëjmë si Arena Kombëtare
8 Tetor, 22:49