TIRANË, 27 Gusht /ATSH-Gjergji Mima/ - Presidenti i Republikës, Bujar Nishani, ka dekretuar emërimin e Ermonela Felaj në postin e Ministres së Shtetit për Marredhëniet me Parlamentin.

Gjithashtu, Kreu i Shtetit ka dekretuar edhe shkarkimin e ish-ministrit Ilirjan Celibashi.

Këtë ndryshim në kabinetin qeveritar, e ka shpallur vetë kryeministri shqiptar, Edi Rama, në datën 1 gusht, gjatë një konference të përbashkët për shtyp me zonjën Ermonela Felaj dhe zotin Ilirian Celibashi.

Kryeministri tha se ndryshimi në qeveri është një kërkesë e ministrit të Shtetit për Marrëdhëniet me Parlamentin, për të ndërprerë marrëdhënien me Qeverinë. /ATSH/