Nishani: Janë angazhuar për të më 
​hetuar jetën personale, jam qeliba

“Kanë angazhuar institucione shtetërore për të hetuar jetën private të presidentit të Republikës. Jeta ime private është qelibar, unë e kthej kokën pas më shumë krenari. Të gjithë këta individë që janë përfshirë në këtë çështje kanë bërë një gabim fatal.  Ka dëshmi, ka prova dhe drejtësia herët a vonë do të veprojë”. Kjo është deklarata e Presidentit Nishani ne "Opinion".
 
Ai tha se nuk dyshonte që pas këtyre përgjimeve të ishte kryeministri Rama dhe shtoi se nuk ia kishte shprehur këtë shqetësim as kryeprokurorit LLalla, për shkak të mosbesimit në sistemin e drejtësisë.
 
“Për aq sa cmund të ofroj në situatën që drejtësia të reflektojë një angazhim të pavarur kam qenë i rezervuar me prokurorin”-theksoi presidenti.
 
Në intervistën për “Opinion” Nishani tha se kryeministri Rama e ka trajtuar si armik dhe iu përgjigj akuzave se kur ishte ministër i Brendshëm kishte rekorde të ulëta në luftën kundër trafikut dhe bandave të drogës.
 
“Kur kam qenë unë ministër bandat e dinë mirë se me çfarë janë përballur. Tani harta e kanabisit është zgjeruar shumë”-deklaroi Presidenti Nishani.


Redaksia Online
(a.h/shqiptarja.com)

TAG:
• OSBE