POP 5

Lajmet më të lexuara të 5 minutave të fundit

Politikë

Nishani kërkon vetting: Presidentë dhe kryeministra, t’u konfiskohen çdo lugë e pirunj nëse nuk i justifikon

Nga Mati, në takimin me demokratët, ish- presidenti Bujar Nishani, ka kërkuar vetting për politikanët. Krah kandidates për kreun e ri të PD-së, Edith Harxhi, Nishani tha se ky duhet të jetë ligji i parë që duhet të miratojë parlamenti i ardhshëm dhe nëse nuk ndodh, të arrihet nëpërmjet referendumit.

BURREL- Nga Mati, në takimin me demokratët, ish- presidenti Bujar Nishani, ka kërkuar vetting për politikanët. Krah kandidates për kreun e ri të PD-së, Edith Harxhi, Nishani tha se ky duhet të jetë ligji i parë që duhet të miratojë parlamenti i ardhshëm dhe nëse nuk ndodh, të arrihet nëpërmjet referendumit.

Vettingu i politikanëve, shoi Nishani, do të shërbente për të rikthyer besimin e njerëzve te politika.

“Një muaj fushatë nuk folëm dhe denoncuam me dhjetëra raste korrupsioni dhe hajdutërie, nuk folëm. Çfarë të bëjmë për të kthyer besimin e njerëzve? Parlament ligji i parë; Vetting, hetim dhe konfiskim i çdo luge dhe piruni që ke t’i ke shtëpia si politikan, që nuk e justifikon me paratë që ke marrë në gjithë këto vite.

Dhe jo vetëm këta që janë atje, por çfarë kanë qenë, president, kryeministër, ministër deputet, çfarë kanë qenë në 10 vitet e fundit. Nuk e miraton Edi Rama? Referendum.

Që kush kanë qenë 10 vitet e fundit njerëz që kanë pasur pushtet, të gjithë në skaner dhe kush nuk e justifikon shtëpinë, llogarinë bankare apo makinën, konfiskim. Po e bën Kosova sot. Të bëhesh vetë pasqyrë dhe objekt i verifikimit të dalësh vetë i pari në dritën e diellit”, tha Nishani.

Nga ana tjetër, Nishani e përshkroi situatën në PD me nota shumë të zymta pas humbjes.

“Kur kam pësuar unë dëshpërim të thellë, imagjino si janë mijëra e mijëra të tjerë. Unë kam arritur, kam marrë maksimumin në karrierën time politike, ministër, president dhe nuk prisja që nga fitorja të merrja ndonjë tjetër, por mbi të gjitha është dëshira politike dhe që miqtë dhe shokët e mi do të drejtojnë nesër Shqipërinë. 8 vite në opozitë mijëra njerëz janë hequr nga puna se janë demokratë. Jemi në një situatë s’po dimë ku të shkojmë. Fataliteti na ka kapur prej fyti” tha ai.

B.K.//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • redi: 06/06/2021 10:52

    Hera e pare qe personalisht perkrah Nishanin per nismen e vetingut te cdo politikani te larte te Shqiperise ,oresident ,kryeministra ,kryetar parlamenti dhe me radhe.Megjithse eshte njeri i drejte ,ne presidence demostrij noterin !

    Përgjigju
  • vetingu: 06/06/2021 09:54

    Mos u merzit o jaro se do te vij dita edhe ty mbas sales avash avash. Ke bo zullume edhe ti mer plere sa te dush. Ti dhe iliri jeni dy presidentet me pa karaktewr dhe burreri qe kena pas ndonjehere ne Shqiperi.

    Përgjigju
  • arjani: 06/06/2021 08:42

    vettingun mire, po ta bejne te huajt jo shqiptaret. kosova po e bejne vete vettingun eshte loje kot. amerikanet europa jo vete.

    Përgjigju
  • Arti: 06/06/2021 07:54

    Do ngelemi pa deputetë bë parlament. Se për qeveri as që bëhet fjalë,ata ikin të parët. Po janë të zgjuar deputetët, vettingun nuk e bëjnë për veten e tyre

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu