POP 5

Lajmet më të lexuara të 5 minutave të fundit

Politikë

Nishani mikpret në Durrës
3 presidentë të rajonit

Presidenti i Republikës, Bujar Nishani mikpriti në Durrës presidentët e Kosovës, Malit të Zi dhe Maqedonisë, në kuadër të Takimit të Pestë Rajonal të Presidentëve.
Nishani mikpret në Durrës<br />3 presidentë të rajonit
DURRËS - Presidenti i Republikës, Bujar Nishani mikpriti në Durrës presidentët e Kosovës, Malit të Zi dhe Maqedonisë, në kuadër të Takimit të Pestë Rajonal të Presidentëve.

Presidenti Nishani paraqiti në takim një sërë propozimesh lidhur me shfrytëzimin praktik të mundësive për bashkëpunim rajonal më efikas, që ishte tema kryesore për diskutim, duke theksuar rëndësinë e mbështetjes së nismave në proces apo të reja, dhe gjetjes së mundësive të përfaqësimit dhe bashkëpunimit në institucione rajonale e më gjerë.

“Angazhimi intensiv, në koherencë me zhvillimet e frymën evropiane e globaliste, do t’i vishte vendeve tona tisin dhe imazhin e një rajoni bashkëkohor, të gatshëm për të qenë denjësisht pjesë e Evropës së Bashkuar”.

Në këtë kontekst, Presidenti Nishani theksoi se qasjet e reja për shfrytëzimin e burimeve natyrore, pasurive turistike, historike dhe kulturore, forca e re dhe cilësore të punës, pozicioni i favorshëm gjeografik, e në mënyrë të veçantë bashkëpunimi për implementimin me sukses të projekteve të mëdha që nxisin zhvillimin, si Trans Adriatic Pipeline (TAP), Ionian Adriatic Pipeline (IAP) dhe Korridori i 8-të, do të krijonin një treg më dinamik, më konkurrues dhe më të standardizuar  për tregun evropian e më gjerë.

Koordinimin e politikave në fushën e turizmit dhe ruajtjes së trashëgimisë kulturore, Presidenti Nishani e cilësoi me shumë rëndësi për formësimin e imazhit të rajonit në Europë dhe në botë.

“Shkëmbimi i eksperiencave dhe hartimi i projekteve të përbashkëta në këtë fushë do të shërbenin jo vetëm për ruajtjen e kësaj trashëgimie, por edhe për të formësuar imazhin e vërtetë të këtij rajoni, të pasur në histori e kulturë, si edhe për zhvillimin e mëtejshëm të turizmit kulturor. Trashëgimia jonë kulturore është thesar jo vetëm yni, por edhe evropian e botëror”.

Një propozim tjetër i Presidentit Nishani në takim, ishte ndërtimi i “korridoreve kulturore” për rritjen e shkëmbimeve kulturore dhe fuqizimin e turizmit rajonal, dhe i “korridoreve arsimore” për kontakte e shkëmbime të nxënësve të të gjitha niveleve arsimore, në mënyrë që fëmijët e vendeve tona të rriten pa barriera psiko-mentale, pa stereotipe dhe paragjykime për të tjerët, por si njerëz të lirë të një shoqërie të lirë.

“Jemi, tashmë, të gjithë dëshmitarë se rajoni ynë ka ndryshuar faqen e historisë dhe imazhin.  Kemi ndërtuar urat e komunikimit ndërmjet nesh, të cilat përbëjnë strukturën bazë për paqe dhe stabilitet. Megjithatë, na mbetet ende shumë për të bërë. Deri tani, kemi çrrënjosur mosbesimin. Na duhet të rrënjosim besimin reciprok”, deklaroi në takim Presidenti Nishani.

Në kuadër të Takimit të 5-të Rajonal, presidentët Nishani, Ivanov, Vujanoviç dhe Jahjaga zhvilluan edhe takime dypalëshe mes tyre, ndërkohë e përmbyllën takimin me një konferencë të përbashkët për shtyp.

NISHANI DURRES
(Në foto: Nga e majta në të djathtë presidentët: Vujanoviç, Jahjaga, Nishani dhe Ivanov).

Redaksia Online
(mag/shqiptarja.com)

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Media spanjolle ‘El Periódico’: Vizitoni Shqipërinë për Krishtlindje, një perlë me peizazhe spektakolare dhe qytete historike

Media spanjolle ‘El Periódico’: Vizitoni Shqipërinë për Krishtlindje, një perlë me peizazhe spektakolare dhe qytete historike

25 Nëntor, 07:37