POP 5

Lajmet më të lexuara të 5 minutave të fundit

Politikë

Nishani-Nikoliç:T’i lëmë qëndrimet
për Kosovën, bashkë për integrimin

Takimi i Kryetarëve të Procesit të Brdo-Brijunit/Nishani takon në Kroaci presidentin e Serbisë, Tomislav Nikoliç. Nishani: Pavarësisht qëndrimeve diametralisht të kundërta që ndajmë lidhur me çështjen e Kosovës, realiteti dikton një bashkëpunim të fokusuar rajonal, mbi objektivin kryesor të integrimit evropian. 
KROACI – Shqipëria mbetet e përkushtuar për një bashkëpunim të frytshëm me vendet e rajonit, pavarësisht qëndrimeve të kundërta, veçanërisht me Serbinë, sa i takon çështjes së Kosovës. Presidenti i Republikës së Shqipërisë, Bujar Nishani në një takim me homologun Tomislav Nikoliç të zhvilluar në Kroaci, u shpreh se palët duhet të fokusohen drejt bashkëpunimit rajonal dhe të vendosin në krye objektivin e integrimit europian.

Në kuadër të pjesëmarrjes në Takimit të Kryetarëve të Procesit të Brdo-Brijunit që po zhvillohet në Kroaci, kreu i shtetit Bujar Nishani takoi edhe presidentin e Kosovës, Atifete Jahjaga, ku edhe në këtë rast u mëshua se Shqipëria do të vazhdojë të koordinojë qëndrimet në kuadër të nismave dhe organizatave shumëpalëshe ku Kosova është apo aspiron të anëtarësohet me të drejta të plota.
 
Nishani-Nikoliç: T’i lëmë qëndrimet e kundërta për Kosovën, bashkëpunim rajonal për integrimin europian
Në takimin që kreu i shtetit Bujar Nishani zhvilloi me presidentin e Serbisë Tomislav Nikoliç, u ra dakord për zhvillimin e marrëdhënieve dypalëshe, veçanërisht në fushat e arsimit, kulturës, ekonomisë. Nishani u shpreh se pavarësisht qëndrimeve diametralisht të kundërta që ndajmë lidhur me çështjen e Kosovës, realiteti dikton një bashkëpunim të fokusuar rajonal, mbi objektivin kryesor të integrimit evropian.

nishani nikoic kroaci

Nën këtë frymë po zhvillohet dhe dialogu mes Prishtinës dhe Beogradit në Bruksel dhe Presidenti Nishani nënvizoi se zbatimi i plotë i marrëveshjeve të arritura me ndërmjetësimin e Baroneshës Ashton dhe asistencën e SHBA-ve është shumë i rëndësishëm për të dy vendet, edhe për proceset e tyre respektive të integrimit.

Presidenti Nishani shprehu solidarizimin ndaj Serbisë për përmbytjet që sollën pasoja shumë të rënda për vendin, duke shpresuar që Konferenca e donatorëve që do të mblidhet së afërmi në Vjenë të rezultojë e suksesshme

nishani nikolic dubrovnik

Jahjaga: Statusi për Shqipërinë, inkurajim edhe për Kosovën
Presidentja Jahjaga në takimin që zhvilloi në Dubrovnik me homologun shqiptar vlerësoi se statusi i vendit kandidatit për në Bashkimin Evropian që iu dha Shqipërisë, ishte një inkurajim shumë i madh edhe për rajonin, e veçanërisht për Kosovën, duke nxitur përparim në zbatimin e reformave të nevojshme si për liberalizimin e vizave, ashtu edhe për nënshkrimin e MSA-së.

Të dy Presidentët ranë dakord se, veçanërisht në kuadër të nismave rajonale, të cilat po priren gjithnjë e më shumë drejt projekteve strategjike, duhet të paraqitemi me projekte konkrete, të cilat rrisin automatikisht përmasën dhe efektshmërinë e bashkëpunimit.

jahjaga thaci

Presidenti Nishani, e garantoi Presidenten Jahjaga se Shqipëria do të vazhdojë të koordinojë qëndrimet në kuadër të nismave dhe organizatave shumëpalëshe ku Kosova është apo aspiron të anëtarësohet me të drejta të plota, dhe se së bashku duhet të nxisim qeveritë në të dy vendet tona të zhvillojnë projekte me impakt të drejtpërdrejtë për vendet tona, bazuar mbi këtë vullnet solid të ndërsjellë.

nishani jahjaga kroaci


Redaksia Online
(Gre.M/Shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Efektivi bie nga lartësia e pallatit në Tiranë, dërgohet te Trauma! Nuk dihen shkaqet

Efektivi bie nga lartësia e pallatit në Tiranë, dërgohet te Trauma! Nuk dihen shkaqet

15 Janar, 18:35