POP 5

Lajmet më të lexuara të 5 minutave të fundit

Politikë

Nishani: Rama i lumtur nëse
shkel ligjin, mendësi totalitare

Presidenti i Republikës Bujar Nishani ka reaguar pas deklaratave të Kryeministrit Edi Rama, lidhur me pakënaqësinë e këtij të fundit ndaj institucionit të Presidentit, KLD dhe Prokurorisë. Nishani: Qeveria s’do KLD e President të reformuar, por të komanduar nga Kryeministri VIDEO
Nishani: Rama i lumtur nëse<br />shkel ligjin, mendësi totalitare
TIRANE - Presidenti i Republikës Bujar Nishani ka reaguar pas deklaratave të Kryeministrit Edi Rama, lidhur me pakënaqësinë e këtij të fundit ndaj institucionit të Presidentit, KLD dhe Prokurorisë.

Përmes një komunikate për shtyp, Presidenti Nishani i ka cilësuar këto deklarata të pavend dhe të paargumentuara, duke shprehur kështu edhe mospajtimin sipas tij me këtë standard të kulturës politike dhe komunikimit ndërinstitucional.

Sipas Nishanit kryeministri Rama e sheh lumturinë duke cënuar Kushtetutën dhe ligjet e vendit, duke shtuar se kjo është një dëshirë totalitare dhe absolutiste.

“Aspirata për lumturi është një e drejtë legjitime e çdo qytetari të Republikës  tonë e po kaq është e tillë edhe për Kryeministrin e vendit dhe anëtarët e qeverisë së tij. Por nëqoftëse këtë dëshirë të hershme e universale  të humanizmit  Kryeministri e sheh të  projektuar në horizont  duke cënuar Kushtetutën e vendit,  institucionet e pavarura si dhe duke ushtruar presion të vazhdueshëm ndaj Presidentit të Republikës, atëherë kjo është një dëshirë totalitare dhe absolutiste.” thuhet në komunikatën për shtyp të Nishanit.

Nishani thekson më tej se “Shqipëria është ndarë njëherë e përgjithmonë nga  mendësi të tilla”, duke shtuar se “procesi integrues dhe vetëdija evropiane e popullit tonë nuk e lejojnë një gjë të tillë.”

Presidenti i Republikës vijon më tej duke nënvizuar se qeveria dhe Kryeministri Edi Rama hartojnë e miratojnë ligje që cënojnë kompetencat e Presidentit dhe pavarësisë së këtij këtij institucioni, duke kërkuar sipas tij një pushtet të pakufizuar.

“Unë e kam pranuar dhe e ushtroj detyrën e Presidentit të Republikes si përgjegjësi sublime ndaj vendit dhe popullit tim duke patur referencë të patjetërsueshme ligjet e këtij vendi dhe qëllim  progresin e gjithanshëm të  tij dhe sigurisht jo trishtimin, melankolinë  apo  lumturinë e politikanëve të veçantë. Punoj çdo ditë me këtë bindje, indiferent ndaj presioneve, por i keqardhur për burimin e tyre. Siç jeni të informuar nga mediat çdo ditë  Kryeministri dhe qeveria e kryesuar  prej  tij përgatisin projektligje dhe votojnë ligje që cënojnë kompetencat e Presidentit të Republikes në kërkim të një pushteti të pakufizuar.” thuhet në komunikatë

Nishani vijon replikën e tij duke theksuar se qeveria aktuale kërkon një President, një prokuror, një sistem drejtësie dhe KLD të komanduar nga kryeministri.

“Kur Kushtetuta  dhe Ligji  preken  në shërbim  të pushtetit në raport me shtetin atëherë nuk ka vend  për t’u mburrur në emër të kortezisë që tingëllon hipokrizi. Qeveria mesa duket dëshiron një President, një prokuror, një sistem drejtësie   dhe KLD jo të reformuar, por të komanduar nga Kryeministri. Ëndërr e keqe kjo! Vizion i frikshëm.” shprehet Nishani

Në përfundim të komunikatës, Presidenti i Republikës shprehet se do të vijojë të respektojë ligjin dhe Kushtetutën, pavarësisht nëse kjo e bën të palumtur ndokënd.

“Do të mbetem në çdo moment të punës time besnik i Kushtetutës dhe interesave të bashkatdhetarëve të mi e nëse  ky qëndrim i imi  bën të palumtur ndokënd që dokumentin themelor të shtetit e sheh si pengesë  për të patur pushtet absolutist, atëherë jam i lumtur, sepse i kam shërbyer mirë vendit tim.” përfundon Nishani

Të hënën e 14 korrikut, gjatë prezantimit të punës së bërë në 300 ditët e para nga kabineti i qeverisë, kryeministri Rama shprehu pakënaqësinë e tij ndaj institucioneve të Presidentit, KLD dhe Prokurorisë. 

Redaksia Online
(e.c/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Dhjetëra automjete të KFOR-it drejt veriut

Dhjetëra automjete të KFOR-it drejt veriut

30 Nëntor, 08:01