Nishani sfidë qeverisë, urdhër
ambasadorit: Qëndro në Vjenë

TIRANE - Pak ditë pasi ministri i Jashtëm Ditmir Bushati i kërkoi ambasadorit shqiptar në Vjenë të kthehej në Shqipëri pasi i ka përfunduar mandati, presidenti i Republikës i është drejtuar me një letër ambasadorit Spiro Koci duke i kërkuar të vazhdojë detyrën. Ky qëndrim i presidencës konsiderohet nga Ministria e Puneve te Jashtme si komunikim anashkalues qe kerkon te justifikje mos zbatimin e ligjit. 
 
Duke iu referuar kushtetutës përkatësisht nenit 92 të saj për kompetencën e presidentit për lirimin dhe emërimin e ambasadorëve, kreu i shtetit shkruan se nuk ka dekret për lirimin e tij nga kjo detyrë.
 
Në shkresën e presidentit drejtuar ambasadorit Koci i kërkohet këtij të fundit të vijojë të qëndrojë në detyrë dhe të përmbushë misionin për të cilin është emëruar në OSBE, “ndërsa çdo vendim tjetër është i pavlefshëm”, - konkludon letra e presidentit Nishani.
Rreth një javë më parë ministri i Jashtëm i kërkoi ambasadorit shqiptar në OSBE të mbyllë misionin diplomatik, e kjo duhet të kryhet deri me datën 1 tetor.
 
Në argumentet e Ministrisë së Jashtme theksohet se mandati i ambasadorit shqiptar në Vjenë ka më shumë se një vit që ka përfunduar.
 
Para tre ditësh ministri Bushati deklaroi se nuk ka ndërhyrë në kompetencat e kreut të shtetit me këtë veprim por ka zbatuar ligjin.



Redaksia Online
(Gre.M/Shqiptarja.com)
 

TAG:
• OSBE