POP 5

Lajmet më të lexuara të 5 minutave të fundit

Politikë

Nishani takim me kryeparlamentarin
çek:Ballkani Perëndimor gati për BE

Presidenti i Republikës, Bujar Nishani priti sot Kryetarin e Parlamentit të Republikës së Çekisë, Jan Hamáček dhe delegacionin që e shoqëron në këtë vizitë zyrtare në vendin tonë.
TIRANE - Presidenti i Republikës, Bujar Nishani priti sot Kryetarin e Parlamentit të Republikës së Çekisë, Jan Hamáček dhe delegacionin që e shoqëron në këtë vizitë zyrtare në vendin tonë.

Në takimin mes tyre të dyja palët vlerësuan marrëdhëniet mes dy vendeve, ndërsa ndanë bindjen e përbashkët për një thellim të mëtejshëm të bashkëpunimit.

Në fjalën e tij, Kryeparlamentari çek Jan Hamáček theksoi nevojën e thellimit të bashkëpunimit mes komisioneve të ndryshme parlamentare si dhe në kuadër të ofrimit të ndihmesës, përvojës dhe ekspertizës çeke në procesin e ndërlikuar euro-integrues.

Në këtë kontekst, Hamáček nënvizoi se rajoni i Ballkanit Perëndimor është tashmë i përgatitur për të hyrë në Bashkimin Evropian pasi sipas tij e meriton anëtarësimin dhe e siguroi Nishanin se Çekia do të bëjë gjithçka ka në dorë në këtë drejtim. Hamáček theksoi se Çekia e konsideron si përparësi përmbushjen e aspiratës së të gjitha vendeve të rajonit tonë për t’u integruar në gjirin e familjes së madhe evropiane.

nishani hamacek

Ndërkohë nga ana e tij, Kreu i Shtetit shqiptar, tha se vizita e Kryeparlamentarit çek tregon konsolidimin e miqësisë mes dy vendeve dhe popujve tanë jo vetëm në aspektin e miqësisë dhe bashkëpunimit parlamentar.

Në këtë drejtim, Nishani shprehu mirënjohjen dhe vlerësimin, edhe në emër të qytetarëve shqiptarë, për ndihmesën e Çekisë dhe institucioneve çeke për vendin tonë në përmbushjen me sukses të aspiratave integruese, duke nënvizuar se “Shqipëria dhe shqiptarët kanë vetëm një projekt përpara, që është anëtarësimi në Bashkimin Evropian”.

“Ky është një proces i gjatë, që kërkon reforma të thella në drejtim të konsolidimit të demokracisë, institucioneve dhe ekonomisë, i cili ka nevojë për partneritetin, miqësinë dhe asistencën e miqve dhe partnerëve tanë, ku natyrisht Çekia zë një vend kryesor.” – theksoi Presidenti Nishani, duke shprehur gjithashtu bindjen se Çekia mund të luajë një rol inkurajues dhe mbështetës por edhe asistues në integrimin e të gjitha vendeve të Ballkanit Perëndimor në Bashkimin Evropian.

Redaksia Online
(e.c/shqiptarja.com)

/Shqiptarja.com
  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

VIDEO/ Shqiptari hero bën xhiron e mediave në Britaninë e Madhe, shpëton gruan nga përmbytjet në Leicestershire (EMRI)

VIDEO/ Shqiptari hero bën xhiron e mediave në Britaninë e Madhe, shpëton gruan nga përmbytjet në Leicestershire (EMRI)

9 Janar, 22:49