POP 5

Lajmet më të lexuara të 5 minutave të fundit

Kronikë

Nishani takon Kaprin, i ankohet
për mosmbështetjen e qeverisë

Presidenti i Republikës, Bujar Nishani priti sot në një takim Kryetarin e Bashkisë së Pogradecit, Eduart Kapri, ku ky i fundit i është ankuar Presidentit për mosmbështetjen nga ana e qeverisë për projekte të shumta që ai ka dorëzuar por që nuk kanë marrë dritën jeshile për zbatim. 
Nishani takon Kaprin, i ankohet<br />për mosmbështetjen e qeverisë
Presidenti i Republikës, Bujar Nishani priti sot në një takim Kryetarin e Bashkisë së Pogradecit, Eduart Kapri, ku ky i fundit i është ankuar Presidentit për mosmbështetjen nga ana e qeverisë për projekte të shumta që ai ka dorëzuar por që nuk kanë marrë dritën jeshile për zbatim.
 
Gjatë takimit u bisedua rreth situatës dhe jetës së qytetarëve të Bashkisë Pogradec dhe çështjeve, me të cilat ndeshet administrata e kësaj Bashkie në përmbushje të misionit të saj, ku Presidenti u njoh me shqetësimet e Kryetarit të Bashkisë rreth mungesës së mbështetjes nga ana e qeverisë qendrore të projekteve për zhvillimin e qytetit dhe ofrimit të shërbimeve për qytetarët.
 
Kryetari i Bashkisë së Pogradecit i përcolli Presidentit Nishani shqetësimin e qytetarëve të kësaj Bashkie, të cilët ndihen të diskriminuar nga diferencimi i politikave që ndiqen nga qeveria qendrore në lidhje me investimet publike në vend.
 
Nishani shprehu keqardhjen për mungesën e mbështetjes së projekteve për Bashkinë e Pogradecit dhe e konsideroi të papranueshme politikën diferencuese të investimeve publike midis njësive të ndryshme vendore.
 
“Qytetarët e vendit duhet të trajtohen dhe shërbehen njëlloj dhe me të njëjtat standarde.”  - theksoi Presidenti Nishani gjatë këtij takimi.
 
Presidenti i Republikës sugjeroi që administrata e kësaj Bashkie të vendosë kontakte më të drejtpërdrejta me donatorë të huaj që mund të ndihmojnë në mbështetjen e projekteve zhvilluese të Bashkisë dhe përmirësimit të shërbimeve që duhen ofruar për qytetarët.

Redaksia Online
(F.T/shqiptarja.com) 

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça