POP 5

Lajmet më të lexuara të 5 minutave të fundit

Kronikë

Nisin punimet për pallatin 17-katësh
te Liqeni Artificial, sot priten pemët

Tiranë/ Ndërsa prej disa javësh ambientalistët kanë denoncuar si të paligjshëm ndërtimin e kompleksit 17-katësh në zonën e Liqenit Artificial, mëngjesin e sotëm, disa punëtorë kanë nisur prerjen e pemëve përreth kësaj zone. VIDEO
Nisin punimet për pallatin 17-katësh<br />te Liqeni Artificial, sot priten pemët
Ndërsa prej disa javësh ambientalistët kanë denoncuar si të paligjshëm ndërtimin e kompleksit 17-katësh në zonën e Liqenit Artificial, mëngjesin e sotëm, disa punëtorë kanë nisur prerjen e pemëve përreth kësaj zone.

Jashtë kameras së A1 Report punëtorët pranuan se pemët po priten për t’i hapur rrugë një kompleksi të madh në një nga zonat më të preferuara të kryeqytetit. Siç shihet në tabelë leja ndërtimore është dhënë nga bashkia në gusht të këtij viti dhe zbatues I projektit është firma “Gener 2” sh.p.k. 
 
Objekti është parashikuar të jetë me pesë struktura banimi dhe shërbime me nga 1 deri në 17 kate, me nga tre kate parkimi dhe shërbime nëntokë.
 
Por me vendim të Këshillit të Rregullimit të Territorit në zonat pranë digës nuk lejohen të ndërtohen objekte mbi 9 kate banimi. Sipas ambientalistëve ky kompleks tek zona sportive poshtë Parkut të Liqenit Artificial është dhënë në mënyrë të jashtëligjshme nga Bashkia e Tiranës.
 
Ky pallat ndërtohet në një zonë të konsideruar si e brishtë për ndërtime pasi është poshtë digës së liqenit, e cila në rast dëmtimi rrezikon përmbytje në zonën e Komunës së Parisit.
 
Redaksia Online
(a.h/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça