POP 5

Lajmet më të lexuara të 5 minutave të fundit

Tirana

Nisma e Bashkisë Tiranë/ Artistët më të njohur promovojnë pikat turistike të kryeqytetit, Veliaj: Ndihmon ekonominë lokale

Bashkia e Tiranës ka bashkuar 8 nga artistët më të njohur për publikun për të promovuar 8 pika turistike të kryeqytetit. Kjo nismë e veçantë synon të ndihmojë turizmin vendas dhe ekonominë lokal.

Tetë nga artistët më të njohur e më të dashur për publikun do të promovojnë përmes një videoklipi muzikor tetë pikat më të veçanta kulturore e natyrore të Tiranës.

Nisma është ndërmarrë nga bashkia e Tiranës, ndërsa kryebashkiaku Erion Veliaj në shenjë mirënjohje priti në një takim artistët Eneda Tarifa, Kejsi Tola, Mariza Ikonomi, Orgesa Zaimi, Lorenc Hasrami, Marjona Metohu, Stivi Boka, Josefina Simoni dhe 4 pjesëtarët e bandës live Ergys Myftari, Ervis Caushi, Arjan Gjici dhe Hektor Duri.

“Jam superkrenar për 8 artistë të mrekullueshëm dhe grupin e instrumentistëve, njerëz që e duan të bukurën, teksa promovojmë 8 vende shumë të bukura në Tiranë. Pushimet e verës po afrojnë e me situatën e COVID-it lëvizjet do jenë të kufizuara. Është një moment ideal jo vetëm për të bërë pushimet në Shqipëri, por edhe për të bërë pushime në Tiranë, për të zbuluar vende të reja, që ndoshta shumica e njerëzve as nuk e dinë që ekzistojnë”, tha Veliaj.

 Ai zbuloi edhe detaje nga ky projekt, që synon të rigjallërojë turizmin vendas dhe ekonominë lokale.

“Shpresoj që me këtë edicion të Tirana Sessions, ku secili do shohë artistin apo artisten e preferuar në një vend ku as ndoshta nuk e dinte ku binte, por prej këtij kurioziteti do zbulojë që ishte shumë afër shtëpisë së tij në Tiranë. Është një mundësi për të dalë pak edhe nga mentaliteti i karantinës, për të eksploruar vende të reja, për të kaluar një kohë cilësore me miqtë, në një situatë ku të gjithë po inkurajohemi të jemi më pranë natyrës, pse jo për të shpenzuar dhe sjellë pak ekonomi në disa zona rurale, ku nuk ka hotele me pesë yje, nuk ka restorante luksi, por ndihmojmë një biznes familjar. Duke Bujtur në një bujtinë ke kontribuar për ushqimet e asaj familje, për veshjet ose librat e shkollës të fëmijës së asaj familjeje”, tha Veliaj.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Beni: 29/06/2020 05:29

    Kryetari i Bashkise hajdut kur ta kuptojne qytetaret e Tiranes jane plakur sdo kene as fuqi te shkojne te votojne

    Përgjigju
  • Sondazhi i ditës:

    Çfarë prisni në vitin 2025?

Lajme të tjera



×

Lajmi i fundit

Erion Veliaj pret në shesh Vitin e Ri me artistët e qytetarë: Progresin e Tiranës s'e ndal askush! Më pak stërkëmbësha e më shumë punë

Erion Veliaj pret në shesh Vitin e Ri me artistët e qytetarë: Progresin e Tiranës s'e ndal askush! Më pak stërkëmbësha e më shumë punë

1 Janar, 01:56