Nisma e dy mësuesve, bëjnë me shkollë të re pas 27 vitesh fshatin e largët të Skraparit (FOTO)

Nisma e dy mësuesve, bëjnë me shkollë të re pas 27 vitesh fshatin e largët të Skraparit (FOTO)

Mësuesit Donald Dervishi dhe Borsion Spaho

Skrapar- Nxënësit e fshatit Vëndreshë Mal në Skrapar do të kenë një shkollë të re. Ëndrra e tyre është bërë realitet falë nismës humanitare të ndërmarrë nga dy mësues të kësaj shkolle, Donald Dervishi dhe Borsion Spaho.

Ndërtimi i shkollës ka nisur që në vitin 2017-të dhe pritet të jetë gati në nisje të vitit shkollor 2018-2019. Mësuesit e ndërmorën këtë nismë pasi fituan 250 mijë lek të rinj në emisionin “100 Milion” dhe më pas me anë të një faqeje donacionesh në internet mblodhën mbi 10000$ si dhe materiale të dhuruara nga kompani të ndryshme dhe individë.

Postimet e mësuesve në rrjetet sociale

Shkolla e re është e vogël, me një klasë, tualetin dhe një korridor. Ajo është e mjaftueshme për 5 fëmijët që do të ulen këtë vit në bankat e saj. Mësimi do të zhvillohet me klasë kolektive, ku secili nxënës do punojë me programin përkatës që ka.

Në profilet e tyre në Facebook dy mësuesit kanë postuar shpesh foto nga ecuria e punimeve për ndërtimin e shkollës.

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • memento mori: 29/08/2018 23:01

    jane vec nje lule neper kaktusa, por jane lule

    Përgjigju
  • Jon: 29/08/2018 20:52

    Rrezatoni qytetari. Ju përshëndes.

    Përgjigju
  • Erjon: 29/08/2018 18:20

    Kjo eshte gje shum humane dhe e bukur per te ardhmen e brezave Bravo

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet