POP 5

Lajmet më të lexuara të 5 minutave të fundit

Politikë

Nisma e Kuvendit/ Nënkomision për të audituar punën dhe financat e KLSH! Do të jetë me bashkëdrejtim

Kuvendi ka propozuar ngritjen e një nënkomisioni në përbërje të komisionit të Ekonomisë dhe Financave që do të monitorojë punën dhe financat e Kontrollit të Lartë të Shtetit. Nënkomisioni “Për Auditimin e Sektorit Publik” do të përbëhet nga 5 anëtarë, 3 të mazhorancës dhe 2 të opozitës. 

Tirane- Një strukturë e posaçme, nënkomision parlamentar, pritet të ngrihet në Kuvend i quajtur “Për Auditimin e Sektorit Publik”. Vetë kuvendi ka propozuar ngritjen e nënkomisionit brenda Komisionit të Ekonomisë dhe Financave që synon të rrisë transparencën dhe llogaridhënien për përdorimin e burimeve publike.

Sipas projektvendimit, ky nënkomision i cili do të përbëhet nga 5 anëtarë, 3 të mazhorancës dhe 2 të opozitës, synon gjithashtu që të sigurojë llogaridhënien e Kontrollit të Lartë të Shtetit në Kuvend, duke u kujdesur të specifikohet se nuk do të ndërhyhet në pavarësinë e institucionit më të lartë auditues në vend, përveç raportimit vjetor që KLSH bën para kuvendit për veprimtarinë brenda 365 ditësh.

Ajo çka është me rëndësi, është se në projektvendim, nënkomisionit i jepet e drejta e auditimit financiar të vetë Kontrollit të Lartë të shtetit, duke shqyrtuar projektbuxhetin vjetor të institucionit përmes audituesve të jashtëm që do të përzgjidhen nga ky nënkomision për të kryer kontrollin e financiar të KLSH.

Nënkomisioni do të shqyrtojë gjithashtu raportet e qeverisë mbi zbatimin e buxhetit të shtetit dhe raportet e KLSH mbi mënyrën se si shpenzohen paratë e buxhetit të shtetit. Zbatimi ose jo i gjetjeve dhe rekomandimeve të KLSH për institucionet e audituara do të jetë gjithashtu në fokus të punës së kësaj strukture.

Nënkomisoni do të  përbëhet nga 5 anëtarë ndërsa do të bashkëdrejtohet nga Enslemvera Zake e PS dhe Emilja Koliqi e PD. Anëtarët e tjerë janë Alban Xhelili dhe Pranvera Resulaj të mazhoranca si dhe përfaqësuesja e dytë e opozitës në këtë tryezë Sorina Koti.

Përbërja e komisionit
1- Enslemvera Zake e PS
2- Emilja Koliqi e PD
3- Alban Xhelili - PS 
4- Pranvera Resulaj - PS
5- Sorina Koti -PD

 

 

 

Projektvendimi 

S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • serxho: 19/07/2024 10:06

    KLSH kurrë nuk ka qenë i pa varur përkundrazi është njëlloj si partia e NON GRATËS....është një institucion ku titullari bën si i thotë partia,shikoni kush e ka drejtuar e kush e drejton....

    Përgjigju
  • viron: 19/07/2024 09:18

    KLSH është kthyer në KLSHurra ku bëhen abuzime të mëdha,ka qenë dhe është një institucion tërësisht i varur nga Sali non grata shikoni vetëm ndër vite se kush e ka drejtuar dhe e drejton,aty është mbledhur llumi dhe jam i bindur që shumë shpejt do të bëhet objekt për SPAK.

    Përgjigju
  • Iris: 14/07/2024 02:20

    Paradoksi donkishotesk i radhes! Nje kontrollues qe do te kontrolloje Kontrollin e Larte te Shtetit! Sa per kuriozitet, ata /audituesit e jashtem/ qe do te perzgjedhe nenkomisioni ne c'kuptim jane te jashtem,jane /te huaj/,apo /te jashtem/ne kuptimin jashte Kuvendit? Mos valle po krijohet mundesia e nje tenderi tjeter per /t'u perlare/ nga keta /te jashtem/,ne emer te kontrollit te KLSH?!

    Përgjigju
  • andi: 13/07/2024 23:31

    Po si do kontrolloni nje institucion te pavarur?! A ju sjeni mire, as ligjet tuja nuk respektoni! I kontrolloni te gjithe, por kontrolloni veten ne radhe te pare. Klsh po ben punen me se miri

    Përgjigju
  • Gaci: 13/07/2024 14:40

    ????me ne fund

    Përgjigju
  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Pete Hegseth bën betimin si Sekretar i Mbrojtjes, mesazh ushtarakëve amerikanë: Do të jemi forca më e fuqishme dhe më vdekjeprurëse në botë

Pete Hegseth bën betimin si Sekretar i Mbrojtjes, mesazh ushtarakëve amerikanë: Do të jemi forca më e fuqishme dhe më vdekjeprurëse në botë

26 Janar, 07:43