Nisma e veçantë e biznesit fason në Durrës për të ndihmuar mjekët, nis prodhimin e veshjeve mbrojtëse (VIDEO)

DURRËS - Një nismë të veçantë ka ndërmarrë një biznes fason në qytetin e Durrësit, për t'i ardhur në ndihmë bluzave të bardha në betejën e tyre me koronavirusin. Geri Çuçi, administrator i "Rita Narazani", tha se kanë nisur prodhimin e veshjeve dhe të maskave për mjekët që po përballen me COVID-19 në spitalin Infektiv. Kanë gjetur copat specifike që mbrojnë mjekët nga depërtimi i virusit, dhe po ashtu kanë marrë edhe dakordësinë dhe falënderimet e Ministrisë së Shëndetësisë në këtë iniciativë humane.

Por që t'ia dalin deri në fund, duhet edhe ndihma e bizneseve të tjerë. Geri Çuçi bën apel përmes ekranit të Report Tv.

"Ne kishim një sasi copash shumë specifike për tuta, dhe vendosëm t'i bënim për mjekët, t'ia dhuronim Ministrisë së Shëndetësisë. I morën në telefon dhe ramë dakord për sasinë e tutave. Ne vumë postimin në rrjetet sociale, për të sensibilizuar biznesmenët, fasoneritë se kush ka këtë lloj materiali që i mbron mjekët nga virusi të na kontaktojë dhe së bashku mund të bëjmë një prodhim dhe të vazhdojmë me këtë nismë.  Po nuk u bashkuan bizneset që gjë të tillë nuk mund ta përballosh, sepse copa është shumë specifike për industrinë medikale, apo ushtarake, se si copë përdoret edhe për xhupat anti-plumb. Copa ka çmim të lartë duke e përballuar vetëm një biznes. Sepse ky koronavirus na vret edhe ne si biznes, see klientët tona nga Italia na kanë mbylle rubinetet nga çdo anë. Ta përballojmë vetëm është shumë për ne, ndaj kërkuam edhe ndihmën e biznesmenëve të tjerë. Jemi duke u informuar në Itali sa i përket këtyre materiale dhe t'i vëmë çmim vetëm si copë po nuk gjetëm partnerë të tjerë për të na mbështetur. Çmimin e fasonit do e vëmë ne. Është material i sigurt për mjekët se ka specifikat teknike, nuk lë të depërtojë asgjë. Ky material mund të ripërdoret, mund të lahet mund të dezinfektohet, nuk është një përdorimesh", tha Geri Çuçi për Report Tv në një lidhje me Skype nga banesa e tij në qytetin e Durrësit.

G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • ana: 26/03/2020 14:53

    Me cfare cmimi ju a shisni ministrise se Shendetesise nje komplet te tille?

    Përgjigju
  • Iris: 26/03/2020 01:46

    Kto lloj biznesesh duhen ndihmuar nga paketa e ndihmes qeveritare dhe mund tu behen leshime ne taksa ,detyrime,billa,etj.

    Përgjigju
    • NEREIDA XHAKOLLI: 26/03/2020 09:18

      Jam plotèsisht dakort me JU

  • Nona: 25/03/2020 16:40

    Paska edhe njerez te mire ne kete bote.Bravo bravo bravo. Bizneset le te shfaqin anen humane edhe te ndihmojne qe kjo situate te kaloj me sa me pak viktima. Behuni Bashke se nuk do marrim asgje me vete, jepini 1 dore uniformave te bardha se dihet cfare kushtesh kemi.

    Përgjigju
  • Vitori: 25/03/2020 14:41

    Bravo,jeni per t'u pergezuar.Me shume ka per t'u ecur biznesi.Kete veper te madhe,duhet ta beje c'do kush qe ka dicka ne dore.Shwiptaret ,sidomos stafi shendetesor e meriton te jetoje.BRAVO!

    Përgjigju
  • Beratsi zvicer: 25/03/2020 14:37

    Bravo

    Përgjigju
  • Renaldo Shahini: 25/03/2020 14:15

    Bravo! Jeni per tu marre shembull qe ndihmoni vendin ne kete kohe te veshtire

    Përgjigju
  • Delinquenti: 25/03/2020 13:51

    Bravo ju qofte qe perpiqeni ne kete kohe per te ndihmuar POR KI I KUJDES ME APROVIMIN E MATERIALEVE SEPSE ESHTE SHUM ME RENDESI NE ITALI KA SHUM NDERMARJE QE PRESIN APROVIMIN DHE TESTET PER KETO, DHE NJE HERE BRAVO PER INISIATIVEN QE DUHET TA PERKRAHIN DHE TE TJERET.

    Përgjigju
  • Sondazhi i ditës:

    Investimi i dhëndrit të Trump në Sazan, jeni dakord?



×

Lajmi i fundit

Habit Endriku: Më shumë duhen Meritoni me Romeon sesa me Heidin!

Habit Endriku: Më shumë duhen Meritoni me Romeon sesa me Heidin!