Vlerat e lejuara të ndotjes janë tejkaluar më shumë se tri herë, bazuar ligjit përkatës. Letafete Latifi, drejtoreshë e Institutit Hidrometeorologjik të Kosovës, ka thënë se në Obiliq janë evidencuar tejkalime të shpeshta të vlerave të lejuara të materialeve grimcore ose pluhur fluturues.
“Tejkalimet e shpeshta të vlerave maksimale të lejuara prej 50 mikrogramë për metër kub në ajër, me ndotësin PM10 (materie grimcore) që janë të suspenduara në ajër, bënë që cilësia e ajrit në Obiliq të jetë jo e kënaqshme”- u shpreh Latifi.
Në shpjegimin e dhënë nga IHK-ja thuhet se grimcat më pak se 10 mikrometra në diametër (PM10) përbëjnë një shqetësim për shëndetin, sepse ato mund të thithen dhe grumbullohen në sistemin e frymëmarrjes. Madje, sipas tyre, janë grimcat më pak se 2.5 mikrometra në diametër (PM2.5) që paraqesin rreziqet më të mëdha shëndetësore.
Redaksia online
(Shqiptarja.com)