Niveli maksimal i liqenit përmbyt rrugën e fshatit Breg Lum në Kukës

Në Kukës, reshjet e shiut në 24 orët e fundit kanë rritur intesitetin e rënies e bashkë me ta edhe prurjet në liqenin e Fierzës, që tashme i kane kaluar 800 meter kub ujë në sekondë. Kuota e liqenit ka shkuar 296 metra e cila njihet si pika e lejueshme dhe standarte e kuotës maksimale.
Rritja e liqenit të Fierzes dhe reshjet me intesitet të shiut kanë bllokuar rrugën dhe si pasojë kanë mbetur të bllokuar 20 familje të fshatit Breg-Lum në Kukës. Tokat bujqësore janë të përmbytura nga fryrja e liqenit. Banorët e zonës lëvizin me varka për të hyrë e për të dalë nga fshati, pasi sasia e madhe e ujit nuk lejon levizjen e tyre.

Gjithashtu prurjet e mëdha në liqenin e Fierëz kanë sjellë me vete edhe mbeturina të shumta, gjë që është rrezik për infeksione dhe sëmundje ndaj banorëve të zonës. Sa i përket akseve rrugore që përshkojnë Qarkun e Kukësit , vazhdojnë të jenë nën fenomenin e rënies së gurëve e dherave. Ndërkohë edhe në Durrës ka pasur probleme sa i përket situatës së përmbytjeve.
Dhjetra shtëpi janë nën pushtetin e ujit në zonën e ish kënetes, ku niveli i ujit ka arritur deri në 30 cm brenda shtëpive. Parashikimet e meterologëve kanë shtuar frikën tek banorët këtyre zonave, pasi gjatë ditës së nesërme pritet që të ketë shtrëngata.

e.gj/Shqiptarja.com

TAG:
• Durres
• breg lum
• Kukes

Sondazhi i ditës:

Ilir Meta sulmon kreun e SPAK, si e vlerësoni?

• Të drejtë

  11.6%

• Të gabuar

  83.7%

• Nuk e di

  4.7%

Vota total: 5481

• Sondazhi i ditës:

  Ilir Meta sulmon kreun e SPAK, si e vlerësoni?

  Të drejtë Të gabuar Nuk e di