Skënderbeu ka triumfuar me rezultatin 1-0 përballë Partizanit, në kryendeshjen e vlefshme për javën e 21-të të Kategorisë Superiore. Autogoli i Gojkoviç në minutën e 63-të, pas një mosmarrëveshje me portierin Alban Hoxha, i dhuroi fitoren korçarëve, të cilët vazhdojnë marshimin drejt titullit kampion.

Të kuqtë  provuan të reagonin pas golit të pësuar, por e kishin të pamundur të gjenin rrugën e rrjetës. Kjo ishte humbja e dytë radhazi për Partizanin, pas asaj në javën e kaluar ndaj Kukësit në shtëpi. Me fitoren e sotme, Skënderbeu shkoi në kuotën e 49 pikëve, duke thelluar diferencën nga ndjekësit në +13.

Skënderbeu-Partizani 1-0
63′ Gojkoviç

Skënderbeu: Shehi, Vangjeli, Radas, Aliti, Mici, Osmani (69′ Vila), Nimaga (58′ Muzaka), Dita, Gavazaj (93′ Demte), Xhejms, Soue. Trajner: I.Daja.

Partizani: Hoxha, Ibrahimi, Belica, Gojkoviç, Kotobelli (76′ Sulejmani), Batha, Trashi, Mala (68′ Abdurrahimi), Asani, Bardhi, Progni (72′ Lukas Kardoso). Trajner: S.Starova.

Gjyqtarë: A.Koçi

Kartonë të verdhë: Mici / Progni

Teuta dhe Flamurtari e mbyllën në një barazim pa gola ndeshjen e javës së 21-të. Sfida në Durrës ishte e vakët dhe pa shumë raste, nga të dy kampet. Vlen për t’u përmendur një rast i Danilos që po shkonte vetëm për vetëm me portierin Moçka, por ndërhyrja e mbrojtësit Shkalla në çastet e fundit ishte vendimtare. Skuadra e Duros bëri shumë pak për të dalë me fitore nga kjo sfidë.

Teuta-Flamurtari 0-0

Teuta: Moçka, Gjorgievski, Shkalla, D. Bilali, Hakaj, Beqja, Hila, Mustafov (Dediç 18′), Çyrbja, Lajthia, Latif (Kruja 82′). Trajner: Gentian Begeja

Flamurtari: Nurkovic, Siljanovski, Pollozhani, Veliu, Musta, Useini, Sidibe, Zuka (Kamara 78′), Nedeljkovic (Hoxhaj 60′), Alvesh, Bushiç. Trajner: Shpëtim Duro

Gjyqtarë: Emirion Sino, Ilir Tartari, Orgest Grabova, Kridens Meta

Kartonë të verdhë: Shkalla 52′, Hila 70′, Bilali 76′ /Alvesh 34′, Nedeljkoviç 50′