Një vajzë nga Fieri e një djalë nga
Mamurrasi të zhdukur prej ditësh

Dy të rinj janë raportuar si të zhdukur sot. Bëhet fjalë për një vajzë nga Fieri e cila është studente në Tiranë dhe për një djalë 16 vjeçar nga Mamurrasi.

Një 20 vjeçare nga Fieri studente në Universitetin e Tiranes filiali Sarandë prej tre javesh nuk ka asnjë komunikim me familjen e saj.
Ka qënë familja e Manjola Lisit, që ka kontaktuar televizionin A1 Report lidhur me këtë rast, ndërsa kërkon ndihmë për gjetjen e së resë.

Ela Lisi motra e 20 vjeçares pohon se prej javësh nuk kanë asnjë kontakt me Manjolën pasi telefoni i del i fikur, ndërsa kanë mësuar se ajo nuk frekuentonte prej kohësh as shkollën.
Ajo kërkon ndihm e përmes A1 Report për gjetjen e të resë, ndërsa pohon se ende nuk kanë bërë denoncimin në polici.


 
Ndërkohë i humburi tjetër është Gen Huba 16 vjeç nga Mamurrasi dhe rasti i tij është bërë public nga kushërira e tij e cila thotë se prej tre ditësh askush nuk ka asnjë informacion për të. Ndryshe nga rasti i parë që familja nuk kishte bërë denoncim në polici, të afërmit e Gen Hubës kanë denoncuar zhdukjen e tij në policinë e Lezhës.
 
Sipas të afërmve të Hubës, për herë të fundit ai është parë në Mamurras dhe më pas e kanë kërkuar gjithandej por nuk kanë rënë në gjurmët e tij.



Familjarët e të dy personave bëjnë thirrje që kushdo që i ka parë të njoftojë policinë.

Redaksia online
(f.m/shqiptarja.com)