Një apologji serioze për Lapsin

Një apologji serioze për Lapsin

Kreu i PD-së, Lulzim Basha dhe Armand Shkullaku

Top Channel kishte publikuar dje një lajm për Edi Ramën, se është një ndër politikanët më të ndjekur në rrjetet sociale, në Europë.

Një lajm normal dhe më shumë për rubrikën “Lifestyle”, por që për shkak të mungesës së lajmeve, si fillim viti që është, e ka publikuar edhe TemA, Shqiptarja.com dhe disa media të tjera, në faqen kryesore.

Kaq është dashur, që media e vetme e pavarur në vend, Lapsi.al i Shkullakut dhe Bushatit, të na qendisë një fletërrufe si fillim viti që është, duke na cilësuar si media të “Rilindjes”, që e paskemi shpallur Edi Ramën si “fanar ndriçues”. Nuk është ndaluar me kaq, po na ka cilësuar edhe lakej.

Nuk e dimë nga buron ky mllef, se vetëm Sali Berisha dhe Lapsi.al e kanë nisur vitin me mallkime e fyerje, por duhet ta kuptojnë se nuk është e lehtë të jenë të gjithë aq të pastër kristal sa ata.

Por nuk është faji jonë që nuk është Lulzim Basha apo Ilir Meta, një ndër politikanët më të ndjekur në rrjetet sociale (edhe pse kjo gjë nuk është ndonjë arritje e madhe, kështu që Lapsi.al nuk ka pse revoltohet kaq shumë).

Megjithatë bëjmë apologji të thellë për publikimin e këtij lajmi të pavend dhe i kërkojmë falje Lapsi.al, duke marrë zotim se nga sot e tyre do të ndjekim rrugën e tyre për të qenë thellësisht të pavarur dhe për të botuar vetëm lajme për Lulzim Bashën, Ilir Metën, Monika Kryemadhin e Petrit Vasilin, se si do ta ndryshojnë Shqipërinë ata kur të vijnë prapë në pushtet, pasi të largohet “kuçedra” Edi Rama.

Ashtu siç e ka thënë edhe vetë Shkullaku, në “Çadrën e lirisë” së Lulzim Bashës./TemA

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • dadi: 04/01/2021 18:19

    pfff se kuptoni sa te neveritshem jeni. ju mediat e rilindjes do ta coni ne fund te pusit edi ramen, por kur ta kuptojw ai do kete pwrfundiar si pararendesit e tij nano e berisha te cilet ishni po te njejtat makinacione qe i cuan ne disfate

    Përgjigju
    • Toni: 04/01/2021 22:56

      O “Dadi” i Shkullakut,po ti nuk e kupton sa i neveritshëm bëhesh kur lëpin me zell Sal-Lulush-KryeMetën? Në fund të fundit ky është një lajm i vërtetë(sado i pakëndshëm për ty),jo një fake news si ato që publikojnë me shumicë baballarët e tu shpirtërorë...

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Kikia: Çdo ditë gjysma e qeverisë para se të shkojë në punë, shkon në SPAK një herë

Kikia: Çdo ditë gjysma e qeverisë para se të shkojë në punë, shkon në SPAK një herë