Një ditë pas takimit në nivel të kryenegociatorëve në Bruksel, partia në pushtet, Lëvizja Vetëvendosje, po akuzon Serbinë për qasje destruktive në dialog.
Sipas tyre, pavarësisht takimeve në kuadër të dialogut progresi do të jetë i vogël për shkak të sabotimit të Serbisë të Marrëveshjes Bazë të Brukselit dhe aneksit të Ohrit.
Në anën tjetër, edhe njohësit e procesit të dialogut thonë se zbatimi i marrëveshjes do të jetë i vështirë gjatë këtij viti, kur dihet se Kosova është në vit zgjedhor kurse Bashkimi Evropian është në fazën e tranzicionit të zgjedhjes së strukturave të reja udhëheqëse.
Deputeti i Lëvizjes Vetëvendosje, Driton Hyseni, thotë për KosovaPress se arsyeja që s’ka pasur sukses takimi i djeshëm i kryenegociatorit të Kosovës, Besnik Bislimi me homologun e tij nga Serbia, Petar Petkoviq është për shkak se Serbia nuk po dëshiron të zbatojë marrëveshjen bazë në tërësi, por kërkon vetëm themelimin e Asociacionit.
Ai kërkon nga Bashkimi Evropian që të bindin Serbinë që ajo të zbatojë marrëveshjen e Brukselit mbi bazën e një sekuencimi të balancuar.
Ndërkaq, ish diplomati, Blerim Canaj, thotë se me takimin e djeshëm në nivel të kryenegociatorëve në Bruksel kanë rënë kushtet e kryeministrit Albin Kurti të paraqitura javën e kaluar.
Pas takimit, zëvendëskryeministrit Besnik Bislimi tha se është e nevojshme formalizmi i marrëveshjes përmes nënshkrimit të saj. Ai akuzoi se Serbinë se nuk dëshironte të fliste për sekuencimin e ujdisë së Brukselit dhe Ohrit, por insistonte vetëm në themelimin e Asociacionit.
Javën e kaluar u zhvilluan takime të ndara në nivel të lartë politik në Bruksel, mirëpo s’pati takim ndërmjet kryeministrit Albin Kurti dhe presidentit serb, Aleksandër Vuçiq.
Kurti paraqiti tri kushte, nënshkrimin e marrëveshjes bazë, tërheqjen e letrës së ish kryeministres së Serbisë, Ana Bërnabiq drejtuar BE-së si dhe dorëzimin e Radoiçiq në Kosovë. Këto sipas kreut qeveritar janë garanci për mirëbesim në procesin e dialogut./Kosovapress
Lajme të tjera
-
Veriu dhe Asociacioni mobilizojnë VV-në e Tiranës, kritika ndaj Escobar dhe EULEX
14 Dhjetor 2022, 18:51 -
Vetëvendosja kërkon konsensus politik për reformën në drejtësi në Kosovë
8 Korrik 2022, 16:18 -
1-vjetori i qeverisë ‘Kurti 2’, kryeministri i Kosovës: 14 shkurti dhe fitorja e LVV-së në zgjedhje, një rastësi e bukur! Gëzuar
14 Shkurt 2022, 14:33 -
Disfata në zgjedhjet lokale në Kosovë, Kurti bën analizën: Nuk i jemi përgjigjur pritjes popullore
21 Nëntor 2021, 20:05 -
Misteri i 'albinistëve' të Tiranës, që 'rastësisht' janë dhe mbështetësit e Sali Berishës e Ilir Metës
15 Nëntor 2021, 18:58
-
Albin Kurti, 'lideri i shqiptarisë' që u katandis në 'administrator' i 4 komunave në Kosovë
15 Nëntor 2021, 18:40
-
Modeli ‘Zaev’ që Albini nuk e ndoqi dot
15 Nëntor 2021, 16:13
-
Raundi i dytë i zgjedhjeve lokale në Kosovë/ Përfundon numërimi në shumicën e komunave, Albin Kurti humb thellë, merr vetëm katër komuna! LDK fiton në Prishtinë
14 Nëntor 2021, 07:31 -
Komunat në balotazh, nesër mbahet raundi i dytë i zgjedhjeve lokale, sot heshtje zgjedhore në Kosovë
13 Nëntor 2021, 08:13 -
Nuk mori votat e parashikuara më 25 prill, dorëhiqet nga LVV Bojken Abazi
18 Tetor 2021, 15:23 -
Pse humbi Albin Kurti?
18 Tetor 2021, 14:15
-
'Vetëvendosja mori një shuplakë të mirë dhe të nxehtë', ish-këshilltari i Kurtit: Janë ndëshkuar për qeverisje të keqe
18 Tetor 2021, 12:51
