TIRANË- Ligjvënësi socialist, Jurgis Çyrbja ka dorëzuar mandatin e deputetit. Burime bëjnë me dije se Çyrbja ka depozituar dje në Kuvend shkresën për dorëzimin e mandatit. Kjo lëvizje e deputetit socialist ka ardhur vetëm një ditë pasi u thirr në SPAK dhe u pyet për 5 orë për një kallëzim të Partisë Demokratike. Çyrbja ishte në SPAK më datë 8 tetor, ndërkohë që mandatin e ka dorëzuar një ditë më pas, 9 tetor.
Për Report Tv, Çyrbja mohon që dorëzimi i mandatit të ketë lidhje me thirrjen në SPAK. Në një reagim për gazetaren Esiona Konomi, Çyrbja thotë se nuk ka asnjë shqetësim të natyrës ligjore, por ka nevojë të kujdeset për shëndetin.
“Kam nevojë për kohë. Do të kujdesem për shëndetin tim. Nuk kam asnjë shqetësim të natyrës ligjore. Dorëheqja nuk lidhet me thirrjen në SPAK. Ishte një vendim që e mora në vlerësim të situatës sime personale”, thotë ai për Report Tv.
Çyrbja po mbyllte mandatin e dytë si deputet. Ai u zgjodh për herë të parë si ligjvënës në radhët e PS në vitin 2017. Ndërkohë, në vitin 2021 ishte i treti më i votuari i qarkut Durrës me 6583 vota. Vendin e tij në Kuvend, pritet ta zërë Erjon Meka, i cili në zgjedhjet parlamentare të vitit 2021 mori 2228 vota.
Më datë 8 tetor, Çyrbja u pyet për 5 orë në SPAK për një kallëzim të Partisë Demokratike. Burime jo zyrtare i thanë Shqiptarja.com se ligjvënësi i PS u pyet për një kallëzim të Edi Palokës në zgjedhjet e vitit 2021, ku e akuzon për shpërdorim detyre, në kohën kur drejtonte Hipotekën e Durrësit, pa e marrë ende mandatin e ligjvënësit.
Në atë kohë drejtues politik i qarkut Durrës, Edi Paloka, ka çuar në SPAK Çyrbjan për “shpërdorim detyre”, për firmosjen brenda të njëjtës ditë të dy praktikave për të njëjtën pronë, por në dy emra të ndryshëm, duke realizuar kështu mbivendosje prone.
Lulzim Basha, ka reaguar për lënien e mandatit të deputetit Jurgis Çyrbja, pasi u paraqit në SPAK. Çyrbja thotë se dorëzimi i mandatit s’ka lidhje me përgjegjësi ligjore, por se do kujdeset për shëndetin.
Në një reagim në Facebook, Basha shkruan se Edi Rama nuk mund të lajë duart vetëm duke detyruar deputetë e ministra të largohen nga funksionet kur u tunden prangat. Sipas tij, Rama e ka ditur mirë dhe çdo ditë se kush kanë qenë krerët e hipotekave, sa hajdutë e sa abuzues janë.
Ai më tej thotë se kryeministri i ka mbrojtur dhe i ka shpërblyer kur i kanë kryer pazaret e tij.
“Edi Rama nuk mund të lajë duart vetëm duke detyruar deputetë e ministra të largohen nga funksionet kur u tunden prangat. Ai duhet të mbajë përgjegjësi pse e ka zhytur vendin në korrupsion dhe ka veshur krimin me pushtet.
Edi Rama e ka ditur mirë dhe çdo ditë se kush kanë qenë krerët e hipotekave, sa hajdutë e sa abuzues janë.
Ai vetë i ka caktuar, i ka mbrojtur dhe i ka shpërblyer kur i kanë kryer pazaret e tij si duhet: Siç bëri me Çyrbjen e hipotekës së Durrësit, i cili pasi i shërbeu Shullazit në zyrë, i shërbeu deri në fund edhe në gjyq. Për këtë Rama vendosi ta bëjë dhe deputet, si përfaqësuesin e bandave të Shijakut dhe Durrësit në parlament. Shqipëria meriton më shumë”, shkruan Basha.
Deputeti i PS, Jurgis Çyrbja ka dorëzuar mandatin e deputetit. Burime për Shqiptarja.com bëjnë me dije se dorëzimin e mandatit e ka dorëzuar dje, datë 9 tetor, në Kuvend.
Por kush pritet që ta zërë vendin e Çyrbes në Kuvend? Vendin tij pritet që ta zërë Erjon Meka, i cili në zgjedhjet e fundit mori 2228 vota.
Çyrbja po mbyllte mandatin e dytë si deputet. U zgjodh për herë të parë në vitin2017. Në vitin 2021 ishte i treti më i votuari i qarkut Durrës mes 6583 vota, informon gazetarja Esiona Konomi.
Ikin hajdutet nje nga nje semuren me pakete malboro ne dore
PërgjigjuHahaha
Përgjigju