POP 5

Lajmet më të lexuara të 5 minutave të fundit

Bota

Një fermer në Kinë ndërton “mbretin e ajrit”, Airbus A320

Ndërsa deri dje ishte vetëm një fermer i zakonshëm, në provincën Liaoning të Kinës, që merrej me kultivimin e qepëve dhe hudhrave, ai është bërë i njohur në mbarë botën fal ndërtimit të një avioni “Airbus A320”. 
 

Ndërsa deri dje ishte vetëm një fermer i zakonshëm, në provincën Liaoning të Kinës, që merrej me kultivimin e qepëve dhe hudhrave, ai është bërë i njohur në mbarë botën fal ndërtimit të një avioni “Airbus A320”. Modeli i avionit i ndërtuar nga Zhu Yue, një i apasionuar me mjetet e fluturimit dhe modelimin, ka vlerën e 400 000 dollarëve.

Madhësia e avionit është e njëjtë me origjinalin. Ai është i gjatë 37.8m, i gjerë 36m dhe i lartë 12m. Më shumë se 50 ton çelik janë përdorur për ndërtimin e trupit, krahëve, kabinës, motorëve dhe bishtit. Ideja e zhvillimit të këtij projekti lindi në vitin 2017 dhe bashkë me gjashtë miqtë e tij fermer, Zhu Yue e përfundoi atë pas më shumë se 1 viti pune të përditshme dhe pa orar.

I intervistuar nga “Reuters”, Zhu Yue ka shpjeguar se nëse ai do të kishte përdorur për rikonstruksion një avion të vërtetë e të braktisur ai do të kishte paguar rreth 1.45 milionë dollarë.
Avioni së shpejti do të jetë disponibël për të tërhequr vizitorët e shumtë që janë në pritje dhe projektuesit fermerë besojnë se me të hollat e grumbulluara do të mund të rekuperojnë ato të harxhuara.

Fermeri kinez Zhu Yue
 

“Airbus A320”, prodhim i vitit 1985 i një konsorciumi britanik së bashku me “Boeing 737”  është një nga avionët më të përhapur në botë dhe përbën boshtin e aviacionit civil evropian dhe botëror.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 18 Janar, 08:40

    A duhen bërë publik emrat e politikaneve që kanë përdorur Sky Ecc?

Lajme të tjera



×

Lajmi i fundit

Ish-kryeministri paskistanez dënohet me 14 vjet burg për korrupsion

Ish-kryeministri paskistanez dënohet me 14 vjet burg për korrupsion

18 Janar, 09:34