Një tjetër zyrtar rus vdes në mënyrë të dyshimtë! Kush ishte Anatoly Nikolayevich Gerashchenko?

Një tjetër zyrtar rus vdes në mënyrë të dyshimtë! Kush ishte Anatoly Nikolayevich Gerashchenko?

Nikolayevich Gerashchenko

Një tjetër zyrtar rus ka vdekur në mënyrë të dyshimtë. Bëhet fjalë për ish-rektorin e Institutit të Aviacionit të Moskës (MAI) Anatoly Gerashchenko, i cili vdiq në një aksident, njoftoi agjencia ruse e lajmeve TASS.

“Më 21 shtator 2022, Anatoly Nikolayevich Gerashchenko, doktor i shkencave teknike, profesor, këshilltar i rektorit të Institutit të Aviacionit të Moskës, vdiq si pasojë e një aksidenti. Aktualisht është duke u zhvilluar një komision për hetimin e aksidentit, i cili do të përfshijë përfaqësues të Ministrisë së Arsimit dhe Shkencës të Rusisë, Inspektoratit Shtetëror të Punës në Moskë dhe Institutit të Aviacionit të Moskës”, raportoi TASS.

Më herët në media u shfaqën informacione se 72-vjeçari Gerashchenko vdiq brenda mureve të universitetit pasi u rrëzua nga një lartësi e madhe.

Gerashchenko ishte rektor i Institutit të Aviacionit të Moskës nga 2007 deri në 2015, sipas faqes së internetit të universitetit. Theksohet se ai ishte një shkencëtar në fushën e disqeve të automatizuara, autor i më shumë se 100 punimeve shkencore dhe artikujve në fushën e sistemeve të ngasjes.

Me vdekjen e Gerashchenko vijon saga e vdekjeve të dyshimta të figurave të njohura të shoqërisë ruse që prej nisjes së luftës në Ukrainë.

D.GJ/Shqiptarja.com
  • Sondazhi i ditës:

    A duhet që opozita të dalë me një kandidat të përbashkët në zgjedhjet e ardhshme vendore?



×

Lajmi i fundit

VIDEO/ Flluska në sipërfaqe, pasojat e shpërthimit të tubacioneve nënujore Nordstream 1 dhe 2

VIDEO/ Flluska në sipërfaqe, pasojat e shpërthimit të tubacioneve nënujore Nordstream 1 dhe 2