Protesta e 11 Shkurtit mëtohet se është mundësia që opozita e sotme nën drejtimin e Berishës të shpalosë vizionin e saj. E themi nën drejtimin e tij, pasi pjesa tjetër është duke u përpjekur në aspektin ligjor dhe politik për evidentimin dhe mbajtjen e vulës së PD-së. Që kur z. Alibeaj është komanduar për të drejtuar këtë pjesë legale, deri më tashmë të Partisë Demokratike dhe grupin e saj parlamentar bjerrja e numrave të anëtarëve është e madhe. Edhe kauzat më të drejta të tyre shfryhen prej numrave por më shumë se kaq pritshmërive dhe seriozitetit të shpalosur. Jo më shumë po shkon edhe pjesa e Berishës, që u ka rënë entuziazmi i dikurshëm i “Foltoreve” dhe turi frenetik që pretendoi ortekun.
6 Marsi i vuri pritën e parë këtij kinse orteku, kurse zhvillimet e mëpasme e bën PD-në thjesht të vesonte fjalë por aspak aksion. Në anketimet, që duhen marrë me rezerva, të dy palët e PD-së janë shumë më inferiore qoftë edhe nëse do ishin të bashkuara sesa kundërshtari i tyre. Kurse më keq akoma, kauzat që dikur mbante Basha dhe Kryemadhi, po rezultojnë shumë më efikase. E para nga numrat që thërritën pas vetes, por më shumë se kaq etjen e militantëve opozitarë për t’u rikthyer në pushtet. E dyta nga fryma që lidhej me mbarimin e mandatit të dytë të Ramës, që për hir të së vërtetës edhe vetën, megjithë deklarimet optimiste në fund, nuk e priste këtë fitore të mandatit të tretë.
Situata s’është fare ndryshe tani. Pushteti lokal, i cili është në dorë të pozitës, ka treguar se është i pamatë, kurse përkthimi i shërbimit të tij lë shumë për të dëshiruar. Ndërkohë që opozita e sotme edhe kur kanë mbetur pak javë, jo vetëm se duket po merret thjesht me mobilizimin e militantëve për marrjen e votave sesa shpalosjen e vizionit për administrimin e qyteteve. Dhe, kjo e fundit, mungon edhe te vetë lideri i opozitës Berisha. Qysh kur premtoi se do i përcillte demokratët drejt konservatorizmit (!!!); qysh kur në krye të çdo dy javëve premtoi se do përzinte Ramën dhe do bënte protesta të vazhdueshme dhe mezi arriti një numër fare të pakët të tyre; e mbi të gjitha kur premtoi para të gjithëve se do të bashkonte PD-në, ai po bjerret dhe pandalshëm. Nga dy muaj më parë, kur sapo mori vesh datën e samitit e shpalli ditë proteste, kurse tashmë duhet të dilte çështja e Charlie McGonigal, që t’i nxirrte edhe njëherë njerëzit në shesh.
Ndërkohë aleanca me Partinë e Lirisë është edhe një gur më shumë në qafën e lodhur nga ngarkesat e kota të njerëzve të Partisë Demokratike. Militantët nuk mund të harrojnë metamorfozën e tyre pas mandatit, kur LSI-ja bashkoi udhën me PS-në , por edhe sjelljen e Metës, kryetarit aktual të PL-së, ish presidentin e vendit, që i humbi bajagi pikë opozitës dhe nën përvojën e Berishës thjesht improvizon edhe ai sipas mënyrës së tij. Duke krijuar një strukturë sa hap e mbyll sytë por edhe duke bërë axhustime të militantëve yes-man të tij.
Për fatin e keq të shqiptarëve, duket se ky makth do të vazhdojë dhe më tej, ndërsa njerëzit në pashpresën e tyre do t’i besojnë më shumë rastësisë, atë që e ka prirë gjithnjë vendin tonë në kapërcyell të ndryshimeve të tij. Dhe, ndoshta një e tillë është e nevojshme edhe më tani, por aman nga njerëz me vizion dhe jo improvizimet e Berishës dhe të Metës.
Komente
Lajme të tjera
-
Militantë të Berishës protestojnë kundër Ramës në Londër (VIDEO)
24 Nëntor, 12:59 -
Gjikondi: Ja taktika e çiftit Meta-Kryemadhi për të shpëtuar pronat e vendosura në mënyrë të paligjshme! Ja pse administrata Trump nuk do t’i heqë ‘non-gratën’ Berishës
24 Nëntor, 12:13 -
Berisha: Rama mizogen, e tregon edhe në kabinet me gratë
24 Nëntor, 11:00 -
Kreshnik Spahiu: Pse Strasburgu po e zhgënjen shumë keq Partinë Demokratike?
23 Nëntor, 23:55
-
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
'Të rezistojmë, të ngremë krye', Salianji letër nga burgu, kërkon drejtësi për Martin Canin: Asgjë nuk vjen vetë! Aq më keq po t’ia lësh në dorë kryeministrit
23 Nëntor, 17:59 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Jorida Tabaku: Socialistët i trajtojnë pensionistët si grup elektoral dhe i gënjejnë për vota! Ata meritojnë dinjitet dhe vlerësim
23 Nëntor, 15:44 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Dumani ‘indiferent’, Blushi e sulmon sërish: SPAK po i garanton imunitetin qeverisë e bandave! Arrestimi i Metës banditesk
23 Nëntor, 14:43 -
Zgjedhjet 2025/ Bardhi: Betejë për jetë a vdekje! Në Kuvend, gratë deputete shpesh herë më shumë luftarake se burrat
23 Nëntor, 14:08
Po mo shoku Arben, e hëngre tasin me përshesh për sot mirë janë hajdutët
Përgjigju