POP 5

Lajmet më të lexuara të 5 minutave të fundit

Kronikë

Dekriminalizimi i dy socialistëve 'peng' i letërporosive/ Në 9 muaj, 85 kërkesa për verifikim, 24 prej tyre ende pa përgjigje

Pas akuzave të PD ndaj kryeprokurorit Çelaj se mban peng dekriminalizimin e 2 kryebashkëve socialistë, Report Tv mëson se njësia e dekriminalizimit është duke pritur letërporositë nga jashtë shtetit. Ndërkohë në 9 muaj janë paraqitur pranë kësaj njësie 85 kërkesa për verifikim të së shkuarës, ku numrin më të lartë e ka administrata publike.

TIRANË- 61 persona mes tyre, politikanë, gjyqtarë, prokurorë dhe punonjës të administratës publike janë verifikuar në 9 muaj nga njësia e dekriminalizimit në Prokurorinë e Përgjithshme.

Interesimit të Report Tv për një bilanc të këtij viti, Prokuroria e  Përgjithshme u përgjigj me shifrat e janar-shator 2020. Në total, në këtë periudhë sipas Prokurorisë janë dorëzuar për verifikim pranë tyre 85 kërkesa, ku numrin më të lartë e mban Departamenti Administratës Publike me 36 kërkesa. 28 Inspektoriati i Lartë i Drejtësisë, 9 Këshilli i Emërimeve në Drejtësi, ndjekur nga SPAK me 4 kërkesa.

Të tjera institcuione që kanë kërkuar verifikim nga Prokuroria e Përgjithshme për efekt dekriminalizimi janë Partia Demokraitke me 2 kërkesa, Këshilli i Lartë Gjyqësorë me tre kërkesa, Komisioni i Zgjedhjeve me një kërkesë e Komisioni i Vetting me një kërkesë.

Vetëm pak ditë më parë, PD akuzoi kryeprokurorin Çelaj se mban peng dekriminalizimin e dy kryebashkiakëve socialistë, atë të Vau të Dejës, Mark Babani dhe të Mallakstrës, Qerim Ismaili. Por prokuroria sqaron se për këta të dy, ende s‘ka mbërritur përgjigja e letërporosive dërguar jashtë vëndit.

Nga 85 kërkesa sipas njësisë së dekriminalizimit 61 prej tyre janë përfunduar dhe dërguar për vendimarrje institucioneve të interesuar dhe 24 prej tyre janë ende në verifik, përfshi edhe dy të zgjedhurit lokal. Ndërkohë rezulton se edhe pas dy vitesh kjo njësi ende ska mundur të përmbyll verifikimin për 18 subjkete, 2 të mbartura që prej 2018-ës dhe 16 të mbartura prej vitit 2019.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Marrëdhëniet Greqi -Shqipëri, avokati Islami: Kanë bërë masakra në vendin tonë, Beleri në PE ishte goditje! Sekretari i OMONIA-s: Jemi urë komunikimi mes vendeve

Marrëdhëniet Greqi -Shqipëri, avokati Islami: Kanë bërë masakra në vendin tonë, Beleri në PE ishte goditje! Sekretari i OMONIA-s: Jemi urë komunikimi mes vendeve

15 Janar, 19:31