POP 5

Lajmet më të lexuara të 5 minutave të fundit

Sociale

Njësimi i diplomave për nxënësit e ardhur nga jashtë vendit dhe refugjatët/ Nga 45 ditë, koha e pritjes bëhet 5 ditë

Nga 45 ditë që studentëve u duhej të prisnin deri në njësimin apo njohjen e diplomës, procedura është shkurtuar në 5 ditë për shumicën e universiteteve në SHBA, BE, Britani, Japoni e Kanada. Ndërkohë me reformim e Qendrës së Shërbimeve arsimore, pritet rritja e cilësisë në arsim.

Studentëve që janë diplomuar jashtë vendit dhe duan që ta ushtrojnë profesionin në Shqipëri, nuk do t’u duhet të presin gjatë deri në njësimin e diplomave. Nga 45 ditë që ishte, koha e pritjes bëhet 5 ditë për studimet në SHBA, BE e Britani, ndërsa për ata që kanë studiuar në universitete të vendeve të tjera, procedura shkurtohet në 30 ditë.

 “Ne jemi duke punuar me Qendrën e Shërbimeve Arsimore dhe së bashku sapo kemi finalizuar ndryshimet në rregullat për njohjen dhe njësimin e diplomave të studentëve dhe profesionistëve që kanë studiuar jashtë vendit, duke reduktuar kohën e njohjes dhe pritjes së diplomave nga 45 ditë në 5 ditë për ata që kanë studiuar në vendet e Bashkimit Evropian, Shtetet e Bashkuara të Amerikës, Britanisë së Madhe, Kanadasë, Japonisë, Izraelit. Ndërsa për sa i përket vendeve të tjera kjo procedurë reduktohet nga 45 në 30 ditë”, tha ministrja e Arsimit Ogerta Manastirliu.

Me synimin për të rritur cilësinë në arsim, Ministria e Arsimit firmosi marrëveshje me Fondin Shqiptaro-Amerikan të Zhvillimit për reformimin dhe modernizimin e Qendrës së Shërbimeve Arsimore,

“Nëpërmjet këtij partneriteti të ri, transformojmë Qendrën e Shërbimeve Arsimore, në një agjenci autonome, e cila jo vetëm të mundësojë një vlerësim transparent dhe meritokratik të bazuar mbi standarde dhe metodologji të unifikuara me vlerësimet ndërkombëtare, duke i sjellë këto në kontekstin lokal, por edhe duke bërë të mundur që nga këto vlerësime, qofshin kombëtare, qofshin ndërkombëtare, ne të kemi bazën e të dhënave nga të cilat të nisemi për të përmirësuar cilësinë në arsim në të gjithë shkollat shqiptare.”, u shpreh ministrja.

Procesi i transformimit të QSHA përfshin rritjen e kapaciteteve dhe aftësive, zbatimin e kuadrit të ri ligjor si dhe monitorimin e qëndrueshmërisë organizative e financiare të saj në bashkëpunim me organizata ndërkombëtare.

B.K/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Çfarë prisni në vitin 2025?

Lajme të tjera



×

Lajmi i fundit

Spektakël fishekzjarresh në Sarandë, qyteti bregdetar shkëlqen nga ngjyrat dhe dritat

Spektakël fishekzjarresh në Sarandë, qyteti bregdetar shkëlqen nga ngjyrat dhe dritat

1 Janar, 01:11