Të gjithë shqiptarët që punojnë në Maqedoni do t’ju njihen vitet e punës.

Ministria e Mirëqenies Sociale ka nënshkruar një marrëveshje me Ministrinë e Punës në Maqedoni, për njohjen e kontributeve.

Ministri Blendi Klosi tregoi përfitimet që do të kenë qytetarët shqiptarë që punojnë në Maqedoni.

"E para marrëveshja do të zbatohet  për skemën e sigurimeve shoqërore dhe konkretisht për përfitimet  financiare për sëmundjet për personat e punësuar, barlindja për personat  e punësuar ose vetëpunësuar  si dhe për punëdhënësit, aksidentet në punë  dhe sëmundjet profesionale për personat e punësuar, pension pleqërie  dhe invalidetin për familjarët, për personat e punësuar dhe vetëpunësuar si dhe për punëdhënësit e tyre",shprehet Klosi. 

Ndërsa ministri maqedonas Dime Spasov, tha se falë marrëveshjes, pritet të rritet numri i të punësuarve sezonalë.

Nga ky memorandum pritet të përfitojnë më shumë se 10 mijë shqiptarë.

Dy ministrat vizituan edhe një nga zyrat e punës në kryeqytet.

klosi

klosi

Redaksia Online
(F.T/shqiptarja.com)