Sipas listës bëjnë me dije mediat janë emra e personaliteteve, republikanë dhe biznesmenë të përfshirë pak apo shumë në fushatën elektorale. Analistët kanë nisur të bëjnë edhe organigramën e skuadrës që do të udhëheq në 4 vitet e ardhshme.
Ja cilët janë disa prej emrave të cilët do të marrin poste kyce në administratën e ardhshme.
Sekretar shteti, Newt Gingrich, ish kreu i Dhomës së Përfaqësuesve, 73 vjec, një njeri me shumë ndikim në rradhët e republikanëve në Washington. 73 vjecari mund të jetë sekretar shteti. Ai është një nga personat që e ka mbështetur Trump që në fillim edhe kur republikanët i kthyen shpinën. Garoi në primaret e 2011 pa u nominuar. Në vendin e Kerry lakohen edhe emra të tjerë si Robert Corker, senator në Tennesee, Jeff Sessions këshilltar i Trump gjatë fushatës, 69 vjec senatori më i ri i Alabamës.
Ekonomia. Sipas zërave që qarkullojnë Trump do të vendosë në krye të thesarit Steven Mnuchin bankier në Goldman Sachs president financiar i fushatës. Ai është marrë edhe me produksione filmash dhe ka krijusr një shoqëri që ka finnacuar filma si Avatar, apo American Sniper. Në garë është edhe miliarderi Wilbur Ross e Dan Di Micco, këshilltar të Trump. Një tjetër miliarder mund të vendoset në departamentin e energjisë, bëhet fjalë për Harold Hamm, sipas Forbes pasuria e tij në 2016 arriti 13.1 miliardë dollar.
Sekretar i Mbrojtjes. Stephen Adley ish këshilltar i sigurisë kombëtare dhe ish senatori Jim Talent janë dy emrat që qarkullojnë për karrigen e ministrit të mbrojtjes. Emër tjetër është edhe Michael Flyyn i cilësuar nga mediat si kapo i ardhshëm i Pentagonit. E sipas disa zërave ministër mbrojtje mund të jetë edhe 39 vjecari Duncan Hunter.
Shëndetësia dhe Shërbimet sociale. Guvernatori i Floridës Rick Scott, mbi të gjitha lakohet emri i aktivistit për të drejtat e afroamerikanëve Ben Carson. Vetë Trump është shprehur se Carson do të jetë i përfshirë në administratën e tij.
Prokuror i Përgjithshëm. Emri më i dëgjuar për momentin është ish bashkiaku i Neë York, Rudolph Giuliani. Ai ka hetuar cështje të mafias dhe korrupsionin në Ëall Street. Christie guverantor i në New Jersey 54 vjec është përmendur se krahas rolit të prokurorit mund të jetë sekretar i tregtisë.
Shefi i Stafit Reince Preibus 44 vjec mund të merret me administratën . Tashmë ai është president i komitetit të republikanëve që ka të bëjë me mbajtjen e marrëdhënieve mes partisë dhe presidentit. Ai është shumë i afërt edhe me kreun e Dhomës Paul Ryan. Si zëdhënës i Shtëpisë së Bardhë në garë është Sean Spicer.
Tashmë skuadra e Trump ka hapur edhe faqe në rrjetet sociale ku informon për stafin e ri të administratës “Të punojmë së bashku, do të nisim detyrën menjëherë për të ndërtuar vendin tonë dhe të rinovojmë ëndrrën amerikane,” thuhet në mesazh.
Redaksia online
(E.M/Shqiptarja.com)