POP 5

Lajmet më të lexuara të 5 minutave të fundit

Kosova & Rajoni

Njohja e pasaportave, Ministria e Jashtme e Spanjës: Në asnjë mënyrë s’nënkupton njohjen e Kosovës

Autoritetet diplomatike spanjolle bëjnë të ditur se vazhdojnë t’i qëndrojnë vendimit për mosnjohjen e Kosovës, edhe pse i njohin pasaportat e qytetarëve të Kosovës. Sipas tyre, dialogu Prishtinë-Beograd është e vetmja mënyrë për të gjetur zgjidhje përfundimtare mes dy vendeve.

Ministria e Jashtme e Spanjës sqaroi se njohja e pasaportave të qytetarëve të Kosovës nuk nënkupton njohjen e Kosovës si shtet.

“Të gjitha shtetet e zonës Schengen që nuk e njohin Kosovën e kanë pranuar përdorimin e pasaportave të zakonshme kosovare. Kjo, në asnjë mënyrë, nuk nënkupton, njohje të Kosovës”, tha Elena Cortezon, zëdhënëse e Ministrisë së Jashtme spanjolle.

Ministria e jashtme thotë se Spanja e mbështet dialogun Beograd-Prishtinë, si një mënyrë e zgjidhjes së kësaj çështjeje dhe kërkon ta kufizojë ndikimin e saj tek qytetarët.

Prej 1 janarit, shtetasit e Kosovës me pasaporta biometrike janë në gjendje të udhëtojnë lirshëm në shtetet e zonës Schengen, pas hyrjes në fuqi të vendimit për liberalizimin e vizave.

Por, vetëm më 5 janar u bë e qartë se ata do të mundë ta vizitojnë edhe Spanjën, që është në mesin e pesë shteteve të BE-së që nuk e njohin pavarësinë e Kosovës, e ku bëjnë pjesë edhe Greqia, Qiproja, Sllovakia dhe Rumania.

Kosova ishte vendi i fundit i Ballkanit Perëndimor, qytetarët e të cilit deri më 1 janar të këtij viti nuk mund të lëviznin lirshëm në zonën Schengen.

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Fatosi-kosove: 08/01/2024 12:32

    Mos bre çfar thua or burre a e din ti se ke me pas pune me bysllimin

    Përgjigju
  • Sondazhi i ditës:

    Si ka qenë për ju viti 2024?

Lajme të tjera



×

Lajmi i fundit

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

26 Dhjetor, 23:06