Moti i keq ka shkaktuar vdekjen e të paktën 125 personave ditët e fundit në Indi, ky bilanc i rëndë u regjistrua pas stuhive të rërës në mesin e më tragjikeve prej disa dekadash.
Të paktën 111 persona vdiqën për shkak të erërave të forta, shpejtësia e të cilave arriti deri në 130 kilometra në orë gjatë mbrëmjes së mërkurës, raportuan autoritetet lokale.
Shtatëdhjetë persona vdiqën në Shtetin e Uttar Pradeshit (veri), 36 në atë të Rajasthanit (veri-perëndim) dhe dy në shtetin e Pendjabit (veri).
Në një rast tjetër, rrufeja shkaktoi një ditë më parë vdekjen e 14 personave të tjerë në shtetin jugor të Andra Pradeshit.
Stuhi të rërës kanë shkulur pemët, rrëzuar muret e shtëpive dhe përmbysur shtyllat e tensionit. Raste të ngjashme regjistrohen çdo vit në Indi, por kryesisht pa shkaktuar dëme të këtyre përmasave.
Lajme të tjera
-
Nju Delhi mbyll shkollat fillore për shkak të ndotjes së ajrit
4 Nëntor 2022, 12:23 -
VIDEO/ Pamje 'apokaliptike', një stuhi e fuqishme rëre godet Australinë me erëra deri në 109 kilometra në orë
22 Dhjetor 2021, 11:39 -
Kryeqyteti turk goditet nga stuhia e rërës (VIDEO)
13 Shtator 2020, 14:29
