POP 5

Lajmet më të lexuara të 5 minutave të fundit

Kronikë

Me aftësi të kufizuara në garë për Kushtetuese/ Tafaj për Report Tv: Kandidoj për t'i shërbyer vendit tim

Me aftësi të kufizuara në shikim, Sinan Tafaj i cili sot shërben si avokat kërkon nga këshilli i emërimeve në drejtësi ta kualifikojë për gjyqtar kushtetues. Në një intervistë për Report Tv Tafaj shpjegon se do t'i shërbejë drejtësisë së re, ndërsa e vlerëson vettingun si një proces që duhet të pastronte problemet e krijuara në 2 dekada.

Jeton mes aftësive të kufizuara në shikim duke ushtruar funksionin e avokatit, prej 2 javësh ka aplikuar për të qenë një nga 9-të anëtarët e Gjykatës Kushtetuese.

Aplikimi i tij është bërë publik në faqen zyrtare të gjykatës së lartë, ndërsa pritet këshilli i emërimeve në drejtësi të vlerësoj nëse i plotëson apo jo kriteret.

Në një intervistë për Report Tv Tafaj shpjegon arsyet e kandidimit, duke deklaruar se paçka aftësive të kufizuara ai ndihet i gatshëm ti shkoj garës deri në fund.

"Me përgjegjshmërinë ndaj interesit kombëtar, të shoqërisë, e familjes time pse jo. Ndiej se I plotësoj kërkesat e kriteret për të qenë gjyqtar kushtetues, veçanërisht atë moral, besueshmërinë formimin profesional akademik  të nivelit më të lartë. Kam provuar gjatë gjithë jetës sime se jam përkushtuar për më shumë se 40 vjet kauzës së të drejtave të njeriut dhe kam qenë mbi palët politike. Hyjë në këtë garë si person I barabartë me të tjerët, besoj statusi im si person me aftësi të kufizuar nuk përbën shkak për të qenë as i favorizuar as i diskriminuar, paragjykimet nuk I takojnë niveleve të larta siç janë anëtarët e KED. Situata në sistemin e drejtësisë ka qenë e rënduar, për sa i përket e besimit të qytetarëve tek drejtësia, një proces pastrimi në drejtësi ka qenë më se i nevojshëm", thotë Tafaj.

Në mbledhjen e të premtes së shkuar KED do të rendiste kandidatët fitues për t'ia përcjell më pas emrat e tyre parlamentit, por edhe pse muaji Maj kaloi ende KED s'ka një vendim për listën e gjyqtarëve që duhet të vazhdojnë garën.

Gjykata Kushtetuese përbëhet nga 9 anëtarë ndërsa aktualisht ka mbetur vetëm anëtarja Vitore Tusha pasi 8 të tjerët, janë dorëhequr dhe shkarkuar si pasojë e procesit të vetting.

Nga viti 1992 kur është krijuar gjykata kushtetuese deri më tani asnjë anëtar i saj nuk ka qenë me aftësi të kufizuara si pjesë e trupës gjykuese.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sula: 03/06/2019 19:58

    Hajdut,vemje,mbetje,zorraxhi

    Përgjigju
  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Greqi/ Policia bastis Burgun e Koridhalosit ku ka dhe shumë shqiptarë, kontrolle 19 të burgosurve! Gjenden thika të improvizuara dhe celularë

Greqi/ Policia bastis Burgun e Koridhalosit ku ka dhe shumë shqiptarë, kontrolle 19 të burgosurve! Gjenden thika të improvizuara dhe celularë

22 Janar, 16:42