'Po filmonte telefonin e Berishës', irritohet Flamur Noka, qëllon operatorin me rregulloren e Kuvendit

Deputeti Flamur Noka ka krijuar një situatë të pahijshme ditën e sotme në Kuvend, ndërsa ka qëlluar një prej operatorëve të mediave me rregulloren e Kuvendit të Shqipërisë. Mësohet se ky veprim i Nokës ka ardhur pasi ai pretendoni se operatori ka qenë duke filmuar telefonin e Sali Berishës. 

Ky moment nuk është kapur nga kamerat, ndërsa ishte kryeparlamentarja Lindita Nikolla që i tërhoqi vëmendjen duke i thënë se nuk mund të ketë reagime të tilla ndaj medias.

Ndërkohë, Noka ngriti pretendime se operatorët filmojnë edhe telefonat e deputetëve.

Lindita Nikolla: Vërejte me reagimin ndaj mediave. Nuk mund të reagoni ashtu ndaj medias duke e qëlluar me rregulloren e Kuvendit. Ju lutem etikë në sallë dhe respekt ndaj medias së lirë. Nuk mund të rri unë teksa shoh një veprim të tillë.

Flamur Noka: Ti maksimumi deri tek perdja sheh, nuk sheh përjashta.

Lindita Nikolla: Sytë e mi me gjithë gjyzlykë e shohin shumë.  

Flamur Noka: Edhe telefonat i filmojnë kameramanët e tu.

Lindita Nikolla: Jo nuk janë kameramanët e mi, po janë kameramanët e medias së lirë.

Pak orë më vonë, deputeti Flamur Noka i ka kërkuar falje publike operatorit, teksa ka publikuar edhe disa foto me të.

'Një ndjesë miqësore kameramanit Parid Dado për keqkuptimin e paradites'- shkruan Noka.

Lajmi kryesor:

Rrëzohet kërkesa për ndryshimin e komisionit të Reformës Zgjedhore, opozita proteston, bllokon foltoren dhe podiumin në Kuvend! Dështon votimi

SI.E./M.Q./Shqiptarja.com

TAG:
• flamur noka