Kriza e çmimeve pritet të jetë prezente deri në fund të këtij viti dhe gjithçka do të reflektohet në rritjen e kostove për familjet, ndërsa inflacioni do jetë mbi 3%.
“Për vitin aktual, ne presim që inflacioni të jetë mbi objektivin 3%, në pasqyrim të niveleve të larta të çmimeve në tregjet ndërkombëtare. Stabilizimi dhe korrektimi i tyre – i parashikuar të ndodhë gjatë vitit 2022 – do ti hapë rrugë reduktimit të inflacionit drejt objektivit”, sqaron Banka e Shqipërisë.
Në përgjigje të pyetjeve të Report TV, Banka e Shqipërisë thotë se rritja e çmimeve ka ardhur si pasojë e kërkesës së lartë për konsum e shërbime, përballë një momenti kur oferta është e ulët sepse prodhimi ka qenë i reduktuar prej pandemisë. Sipas Bankës së Shqipërisë inflacioni do zbresë në 3% në 2023 dhe vetëm atëherë pritet një stabilizim i situatës.
“Ne parashikojmë që inflacioni të kthehet në mënyrë të qëndrueshme në objektiv duke filluar nga viti 2023. ‘I pastruar’ nga ndikimi i goditjeve të ofertës, kthimi i inflacionit në objektiv do të pasqyrojë balancimin e kërkesës me ofertën për mallra dhe shërbimeve, si dhe rritjen e punësimit dhe të pagave në linjë me produktivitetin”, përgjigjet Banka e Shqipërisë pyetjeve drejtuar nga Report TV.
Për të bërë të mundur rikthimin e inflacionit në normalitet, banka qendrore thotë se do të reduktohen stimujt mbështetës të politikës monetare dhe se mund të rishikohet në rritje norma bazë e interesit, edhe pse ajo përsëri do të jetë poshtë nivelit 1% deri në 2024.
“Arritja e objektivit të inflacionit do të kërkojë reduktimin e stimulit monetar gjatë vitit 2022. Këtë qëndrim ne e kemi komunikuar prej disa tremujorësh tashmë. Sipas vlerësimeve tona të fundit, të cilat u komunikuan edhe në njoftimin e fundit për shtyp të Këshillit Mbikëqyrës të Bankës së Shqipërisë, mundësia e ndodhjes së këtij reduktimi do të merret në shqyrtim gjatë mbledhjeve të ardhshme të Këshillit. Nëse do të ndodhë, ai do të marrë formën e rritjes së normës bazë të interesit. Megjithatë, reduktimi i stimulit monetar nuk nënkupton kalimin e politikës monetare në kahun shtrëngues. Pavarësisht tij, norma bazë e interesit pritet të mbetet poshtë nivelit të saj historik edhe për dy vitet në vijim. Kjo nënkupton se politika monetare do të mbetet në kah stimulues edhe gjatë vitit 2022 e më tej, ndonëse madhësia e stimulit do të jetë më e vogël. Politika monetare do të vijojë të garantojë kushte financimi të përshtatshme për rritjen e konsumit dhe investimeve”, përgjigjet Banka e Shqipërisë.
Norma bazë e interesit u ul në mars të 2020 nga Banka e Shqipërisë me qëllim që të uleshin kostot e kredisë, si dhe të mos cenohej konsumi dhe investimet.
Komente
Lajme të tjera
-
Transfertat kombëtare në euro u rritën me 33% për 10-mujorin e këtij viti
22 Nëntor, 14:54 -
Shqipëria në SEPA/ Ambasadori Gonzato takim me Sejkon: Moment historik, qytetarët dhe bizneset më afër tregut unik të BE
22 Nëntor, 11:21 -
Shqipëria anëtare e SEPA-s, Sejko: Kostoja e pagesave ndërkufitare në euro, 5 herë më e ulët! Kursimi në ekonomi 20 mln euro në vitin e parë
21 Nëntor, 17:50 -
Shqipëria pranohet zyrtarisht në SEPA
21 Nëntor, 16:38 -
Parapagimi i tatimit nga profesionet e lira, Malaj: Brenda dhjetorit do kthehen shumat e paguara
21 Nëntor, 15:36 -
Vrojtimi i Bankës së Shqipërisë/ 37% e bizneseve kanë një borxh për të shlyer! Të vegjlit marrin hua për shpenzime të papritura, të mëdhenjt 'zhyten' për investime
19 Nëntor, 22:34
-
Këshilli Europian i Pagesave shqyrton aplikimin e Shqipërisë në SEPA
16 Nëntor, 12:09 -
Zhvlerësimi i euros, BSH: Po bëjmë analiza për të ndërhyrë për të ndaluar rënien e shpejtë
15 Nëntor, 11:10 -
Banka e Shqipërisë kërkon rishikim të skemës së pensioneve, rrezik për financat publike! Zv/ Guvernatorja ep opinionin për pr/buxhetin 2025 tek 'Ekonomia'
15 Nëntor, 10:04 -
Vrojtimi i Bankës së Shqipërisë: 24% e familjeve shqiptare jetojnë me borxhe! Pjesa më e madhe për konsum e shëndetësi, 20% blejnë ‘ushqime me listë’
14 Nëntor, 18:48
-
Dollari fiton terren përballë lekut, rritet me 3% brenda këtij muaji! Euro vijon të zhvlerësohet pa ndalur
14 Nëntor, 14:21 -
FMN i kërkon Bankës së Shqipërisë të ruaj regjim të lirë të kursit të këmbimit! Sejko: Familjet e bizneset në gjendje të mirë financiare
14 Nëntor, 14:01
O injorante te BSH, Anglia i rriti per here te dyte interesat brenda tre muajsh,Australia po ashtu. Federal Reserve do i rrise ne mars dhe ECB gjithashtu ka sinjalizuar se do i rrise se shpejti. Cfare prisni ju te veproni? Njerezve i ka shkuar thika ne palce nga rritja e cmimeve.
Përgjigju