Nuk arrihet dakordësia me opozitën, shtyhet për në shtator zgjedhja e Avokatit të Popullit

Avokati i ri i Popullit, me një mandat 5 vjeçar do të zgjidhet në shtator. Grupi parlamentar i Partisë Socialiste vendosi në mbledhjen e kësaj të mërkurë ta shtyjë votimin për në sesionin e ri parlamentar që nis në shtator. Kuvendi i Shqipërisë i ka nisur procedura për zgjedhjen e Avokatit të Ri të Popullit. Javën e shkuar, 19 kandidatët që kanë depozituar kërkesën për Avokat të Popullit prezantuan platformën e tyre para Komisionit të Ligjeve.

Zgjedhja e avokatit të ri të popullit kërkon 84 vota dhe është një votim i vetëm në parlament dhe pikërisht koha për të negociuar me opozitën duket se është dhe arsyeja e vendimit të mazhorancës për ta shtyrë në kohë këtë proces. Aktualisht Avokate e Popullit është Erinda Ballanca e cila rikandidon për një mandat të dytë.

Kandidatët për Avokatët e Popullit

Ahmet Prençi

Altin Goxhaj

Besim Ndregjoni

Bledar Dervishaj

Boriana Nikolla

Brikena Kasmi

Dorian Gjokmarkaj

Drita Avdyli

Endri Papajorgji

Ermir Kapedani

Erinda Ballanca

Evis Fico

Ilirjan Rusmali

Jordan Daci

Jorida Rustemi

Laureta Roshi

Ledio Braho

Lefterije Luzi

Sali Shehu

Lista e kandidatëve do t’i dorëzohet komisionit të Kuvendit për çështjet ligjore që mbulon çështjet ligjore për të verifikuar përmbushjen e kritereve kushtetuese e ligjore. Komisioni do të kryejë seanca dëgjimore për çdo kandidat, ku do u bëhet vlerësimi për përmbushjen e kritereve kushtetuese. Më pas, kandidaturat e përzgjedhura i paraqiten Kuvendit me shkrim nga jo më pak se 28 deputetë, sipas vlerësimit të Komisionit.

Kushtet për t’u zgjedhur Avokat i Popullit

Avokat i Popullit mund të jetë çdo person që plotëson këto kushte:

a): të jetë shtetas shqiptar.

b): të ketë njohuri dhe veprimtari të shquara në fushën e lirive dhe të drejtave të njeriut dhe të ligjit;

c): të shquhet për aftësi profesionale dhe figure të pastër etiko-morale;

ç): të mos jetë dënuar penalisht

d): të mos jetë deputet në legjislaturën e Kuvendit që bën propozimin a zgjedhjen e tij.

M.Q./Shqiptarja.com

TAG:
• avokati i popullit
• PS
• Kuvendi i Shqiperise